ملزم نے دو شادیاں کر رکھی ہیں،وکیل کے بیان پر چیف جسٹس سندھ ہائیکورٹ نے کیا ریمارکس دیئے؟

ملزم نے دو شادیاں کر رکھی ہیں،وکیل کے بیان پر چیف جسٹس سندھ ہائیکورٹ نے کیا ریمارکس دیئے؟

باغی ٹی وی کی رپورٹ کے مطابق سندھ ہائیکورٹ میں کے ایم سی ڈائریکٹر مسعود عالم کے خلاف نیب انکوائری کا معاملہ پر سماعت ہوئی،نیب پراسیکیوٹر نے عدالت میں کہا کہ مسعودعالم کے خلاف شکایت موصول ہوئی ہیں، انکوائری کی منظوری کے لیے معاملہ ہیڈ کوارٹر ارسال کردیا،مسعود عالم بہت بڑے مافیا کا فرنٹ مین ہے

ملزم کے وکیل نے کہا کہ مسعود عالم ملک سے باہر جارہے تھے، ایمیگریشن حکام نے ائیرپورٹ پر روک لیا تھا،چیف جسٹس سندھ ہائیکورٹ نے استفسار کیا کہ یہ ملک سے باہر کیا کرنے جارہے تھے؟ جس پر وکیل ملزم نے کہا کہ مسعود عالم کی فیملی 25 سال سے بیرون ملک مقیم ہے،

چیف جسٹس نے کہا کہ اچھا تو یہ ننھی سی جان یہاں رہ گئی ہے، کراچی سے پیسہ کما کروہاں بھیجتے ہوں گے،ملزم کے وکیل نے کہا کہ مسعودعالم نے 2شادیاں کررکھی ہیں وہاں دو تین بار سال میں جاتے ہیں، خدشہ ہے نیب مسعود عالم کو گرفتار کرلے گا،

عدالت نے نیب کو مسعود عالم کو 26 فروری تک گرفتار کرنے سے روک دیا،عدالت نے ڈی جی نیب سے مسعود عالم سے متعلق رپورٹ طلب کرلی