اسلام آباد: ڈکیتی کی واردات میں چھریوں کے وار کرکے تاجر کو قتل کردیا گیا

اسلام آباد میں ملزم نے ڈکیتی کی واردات میں چھریوں کے وار کرکے تاجر کو قتل کردیا جبکہ دوسرا تاجر زخمی ہوگیا ہے.

اسلام آباد میں جی نائن نشتر مارکیٹ پشاور موڑ پر ڈکیتی کی واردات، ملزم نے چھریوں کے وار کر کے تاجر کو قتل کردیا ہے، جبکہ دوسرا تاجر زخمی ہے اس ڈکیتی میں ڈکیت لاکھوں روپے لوٹ کر فرار ہونے میں کامیاب رہے ہیں. دوسری جانب اسلام آباد پولیس کا کہنا ہے کہ: تھانہ کراچی کمپنی کی حدود G-9 سٹور پر واردات کے معاملہ پر آئی جی اسلام آباد ڈاکٹر اکبر ناصر خاں نے وقوعہ کا سختی سے نوٹس لے لیا۔ اور ڈی آئی جی آپریشنز سے رپورٹ طلب کرلی ہے، پولیس کا مزید کہنا تھا کہ ملزمان کو جلد از جلد ٹریس کرنے کی ہدایت کی گئی ہے۔ اور ڈی آئی جی آپریشنز نے ایس پی صدر کے ہمراہ جائے وقوعہ کا دورہ بھی کیا ہے.

ایس ایس پی انویسٹی گیشن کی زیر نگرانی سپیشل انویسٹیگیشن ٹیمیں تشکیل دے دی گئیں۔ جدید تکنیکی و ہیومن ریسورسز کی مدد سے ملزمان کو ٹریس کیا جارہا ہے۔جلد ملزمان کو گرفتار کرکے قانون کے کٹہرے میں لایا جائے گا۔وقوعہ میں ایک شخص گلفراز جاں بحق اور محمد نواز زخمی ہوئے۔
2/2#ICTP #OPS

— Islamabad Police (@ICT_Police) September 27, 2022

اسلام آباد پولیس کے مطابق: ایس ایس پی انویسٹی گیشن کی زیر نگرانی اسپیشل انویسٹیگیشن ٹیمیں تشکیل دے دی گئیں ہیں۔ اور جدید تکنیکی و ہیومن ریسورسز کی مدد سے ملزمان کو ٹریس کیا جارہا ہے۔ جبکہ بہت جلد ملزمان کو گرفتار کرکے قانون کے کٹہرے میں لایا جائے گا۔ پولیس نے مزید کہا کہ وقوعہ میں ایک شخص یعنی تاجر گلفراز جاں بحق جبکہ تاجر محمد نواز زخمی ہوئے ہیں.

اسلام آباد میں جی نائن نشتر مارکیٹ پشاور موڑ پر ڈکیتی کی واردات، ملزم نے چھریوں کے وار کر کے تاجر کو قتل کردیا، دوسرا تاجر زخمی، ڈکیت لاکھوں روپے لوٹ کر فرار ہوگئے pic.twitter.com/xJvpnbZe7m

— Aaj TV English (@AajNewsEnglish) September 27, 2022

علاوہ وزیں اسلام آباد کے شہریوں نے بڑھتی ہوئی ایسی واردات کے پیش نظر شدید پریشانی کا اظہار کیا ہے اور ایک شہری نے باغی ٹی وی کو بتایا کہ ہم ایسی واردات سے پریشان ہیں جبکہ بعض اوقات خوف کے باعث اپنے موبائل فون بھی رات کے وقت ساتھ لے جانے ڈرتے ہیں تاکہ کوئی چھین نہ لے، شہری نے مزید کہا کہ آئی 9 اور 10 میں گزشتہ دنوں کئی واردات ہوچکی ہیں لیکن پولیس تاحال ایسی واردات کو مکمل ختم یا ایسے عناصر کا قلع قمع کرنے میں ناکام رہی ہے.