سرگودھا۔24جولائی(اے پی پی)عمران خان کے دورہ امریکہ کی کامیابی پر مخالفین کو چپ لگ گئی ہے امریکی صدرڈونلڈٹرمپ نے وزیر اعظم عمران خان کو کرکٹ بیٹ کا تحفہ پیش کرنے کے علاوہ جس طرح ان کا استقبال کیا اور ان کی تعریف کی وہ مخالفین کیلئے سیاسی موت کے مترادف ہے۔ ان خیالات کا اظہار چیئرمین سرگودھا ڈویلپمنٹ اتھارٹی و سینئر راہنما پاکستان تحریک انصاف الحاج ممتاز اختر کاہلوں نے کیا۔ انہوں نے کہا کہ عمران خان نے غیرت مند قوم کے غیرت مند وزیر اعظم ہونے کا ثبوت دیا اور کہا کہ ہمیں اس کی ضرورت نہیں ہم سے تجارت کریں الحاج ممتاز اختر کاہلوں نے کہا کہ وزیر اعظم کی ملاقات کو دنیا بھر کے اخبارات نے شہ سرخیوں کیساتھ شائع کیا جو وزیر اعظم کے کامیاب دورے کی دلیل ہے۔
عمران خان کے دورہ امریکہ کی کامیابی پر مخالفین کو چپ لگ گئی
Shares:
