پاکستانی کامیڈی سپر سٹار افتخار ٹھاکر کی طنز و مزاح اور قہقہوں سے بھرپور نئی انٹرنیشنل پنجابی فلم ”منڈا ساؤتھ ہال دا” کو پاکستانی سینماؤں میں نمائش کیلئے سنسر سرٹیفیکیٹ مل گیا ہے۔ برطانیہ میں فلمائی گئی رومانوی کامیڈی فلم کو دنیا بھرکے ساتھ ساتھ پاکستانی سینماؤں میں جمعہ 04 اگست کو نمائش کیلئے پیش کیاجارہا ہے۔ رومانوی کامیڈی فلم میں فریش جوڑی ارمان بیدل اور تنو گریوال نے مرکزی کردار ادا کئے ہیں جبکہ پاکستانی سٹار کامیڈین افتخار ٹھاکر کی بہترین اداکاری فلم کی ہائی لائٹ ہے جس نے کہانی کو چار چاند لگائے ہیں۔ فلم کی دیگر سٹار کاسٹ میں گولڈ بوائے، سربجیت چیمہ، روبن، پریت اوجلہ سمیت دیگر فنکار شامل ہیں۔
”لندن سمیت برطانیہ کی خوبصورت لوکیشنز پر فلمائی گئی” فلم ساؤتھ ہال میں بسنے والے ایک ایشیائی نزاد نوجوان کی محبت کی کہانی ہے جس میں طنز و مزاح، دلچسپ کہانی، ہٹ میوزک اور جذباتی کلائمکس شامل ہے۔ پاکستانی سینماؤں میں فلم کی نمائش کا اہتمام ڈسٹری بیوشن کلب کے پلیٹ فارم سے کیا جارہا ہے۔ ڈسٹری بیوشن کلب کے ایگزیکٹو ڈائریکٹر شیخ عابد رشید نے کہا کہ ”منڈا ساؤتھ ہال دا“ دلچسپ کہانی اور فنکاروں کی بہترین پرفارمنس پر مبنی فریش فلم ہے جو معیاری فلموں کے شائقین کی امیدوں پر پورا اترے گی اور انہیں پیسہ وصول تفریح فراہم کرے گی۔
بے بی باجی اختتام پذیر
بے بی باجی کی کہانی پہلے تو بہت روایتی لگی ثمینہ احمد
پاکستانی ایکٹرز صرف پیسے کی زبان سمجھتے ہیں فصیح باری خان
Leave a reply
