وزیر اعلیٰ مراد علی شاہ آج سندھ کا مالی سال 22-2021 کا بجٹ پیش کریں گے-
باغی ٹی وی کی رپورٹ کے مطابق آئندہ مالی سال کے لئے سندھ کے بجٹ کا مجموعی حجم 14 کھرب سے زائد ہوگا سندھ کے بجٹ میں کوئی نیا ٹیکس نہ لگائے جانے کا امکان ہے –
سکول ایجوکیشن کے لئے 215 ارب اور کالج ایجوکیشن کے لئے 25 ارب روپے مختص کرنے کی تجویز ہے۔
پولیس اور امن و امان کیلئے 105 ارب، صحت کیلئے 172 ارب، ٹرانسپورٹ کیلئے 14 ارب، بلدیات کیلئے 75 ارب اور محکمہ آبپاشی کے لیے 53 ارب روپے مختص کرنے کی تجویز ہے۔
وزیراعلیٰ سندھ مراد علی شاہ بجٹ تجاویز سندھ اسمبلی میں پیش کریں گے سندھ اسمبلی کا بجٹ اجلاس دوپہر تین بجے بلایا گیا ہے۔
