مردہ خانے کے ملازم کو انسانی اعضاء آن لائن بیچنے پر 15 سال سزا

الاباما کے مردہ خانے کے ملازم کو 15 سال کی قید کی سزا سنائی گئی ہے کیونکہ اُس نے غیر قانونی طور پر انسانی اعضاء بشمول جنینی ٹشوز، ایک ایسے شخص کو بیچے جو چہرے کی سنگین تبدیلیوں سے گزرا تھا،

کینڈس چیپ مین اسکاٹ، 37 سالہ، نے یونیورسٹی آف آرکنساس کے میڈیکل سائنسز پروگرام سے انسانی اعضاء جیریمی لی پاؤلی کو بیچے، جو پنسلوانیا کا رہائشی ہے اوردونوں کا فیس بک گروپ کے ذریعے رابطہ ہوا تھا جس میں "انسانی اعضاء کی خرید و فروخت” پر کھل کر بات کی جاتی تھی،جمعرات کو اپنے فیصلے کے دوران، جج براین ایس ملر نے اس کے جرائم کو "جو میں نے کبھی دیکھے ہیں ان میں سے بدترین” قرار دیا اور اسکاٹ کو انسانوں کے اعضاء کو ریاستی سرحدوں کے پار منتقل کرنے اور ڈاک دھوکہ دہی میں ملوث ہونے کی سازش کرنے پر سزا سنائی، اسکاٹ نے اپریل میں ان الزامات کے تحت قصور وار ہونے کا اعتراف کیا تھا۔

اسکاٹ کے خوفناک اقدامات، جن میں کھوپڑی، دماغ، بازو، کان، پھیپھڑے، دل، سینے، ناف، خصیے اور دیگر اعضاء کی فروخت شامل تھی، اکتوبر 2021 سے 15 جولائی 2022 کے درمیان ہوئے، پاؤلی، 42 سالہ، جو خود کو "عجیب و غریب اشیاء کا جمع کرنے والا” کہتا ہے، نے اسکاٹ کو 24 باکس انسانی اعضاء کے بدلے میں 10,625 ڈالر ادا کیے، جو ہارورڈ میڈیکل اسکول اور آرکنساس کے مردہ خانے کے ساتھ جڑے ہوئے ایک گہرے زیرِ زمین انسانی اعضاء کی اسمگلنگ نیٹ ورک کا حصہ تھے۔

جب تفتیش کاروں نے اسکاٹ کے گھر کی تلاشی لی، تو کئی انسانی اعضاء برآمد ہوئے، اور اس نے اعتراف کیا کہ وہ یہ اعضاء اپنی ملازمت کے دوران جمع کرتی تھی۔

سزا کے دوران، ڈونی شا اسمتھ، لکس کی والدہ، نے جج سے کہا کہ جب اسے ان ہولناک جرائم کا علم ہوا تو وہ تباہ ہو گئی۔ جج ملر، جو جذبات سے مغلوب ہو گئے تھے، نے سزا دینے سے قبل روتے ہوئے معذرت کی۔ایف بی آئی نے اس جرم کو "حقیقتاً ناقابلِ فہم اور ناپسندیدہ” قرار دیا۔

ٹرمپ کی حلف برداری سے قبل بٹ کوائن ریکارڈ بلند ترین سطح پر پہنچ گیا

گھوٹکی: پولیس کا بجلی تار چوروں کے خلاف کامیاب آپریشن، مقدمہ درج