مردہ مرغیوں‌سے بھرا ٹرک اہل علاقہ کے لیے عذاب بن گیا

مردہ مرغیوں‌سے بھرا ٹرک اہل علاقہ کے لیے عذاب بن گیا

باغی ٹی وی رپورٹ کے مطابق تین دن قبل ڈولفن پولیس کی طرف سے پکڑا جانے والا دس من مردہ مرغیوں کا ٹرک تاحال نشتر کالونی تھانے کے سامنے بدبو اور تعفن پھیلا رہا ہے، کرونا تو قابو ہو نہیں رہا،کیا پولیس لاہور میں برڈ فلو کی نرسری تیار کر رہی ہے .

تفصیلات کے مطابق تھانہ نشتر میں پولیس کی جانب سے مردہ مرغیوں کا ٹرک علاقے میں ایک عذاب کی شکل اختیار کر گیا ہے . جس میں‌ دس من مردہ مرغیاں لادی گئی ہیں. ڈولفن پولیس نے مرغیوں سے بھرا ٹرک روکا تو انکشاف ہوا کہ لاہوریوں کو مردہ مرغیاں کھلانے کا پورا بندوبست کیا جارہا ہے. اس سلسلے میں‌ اس ٹرک کو پولیس نے اپنی تحویل میں‌تو لے لیا لیکن تین دنگزر جانے کے بعد یہ ٹرک اپنے تمام تر تعفن اور بدبو کے باوجود اہل علاقہ کے لیے عذاب بنا ہوا ہے.

تین دن قبل ڈولفن پولیس کی طرف سے پکڑا جانے والا دس من مردہ مرغیوں کا ٹرک تاحال نشتر کالونی تھانے کے سامنے بدبو اور تعفن پھیلا رہا ہے، کرونا تو قابو ہو نہیں رہا،کیا پولیس لاہور میں برڈ فلو کی نرسری تیار کر رہی ہے ؟ @OfficialDPRPP @GovtofPunjabPK #COVID19 #COVIDー19 #coronavirus pic.twitter.com/9qUHl1GGfw

— Taha طٰہٰ (@taahaa_) December 29, 2020

اہل علاقہ اس سلسلے میں ان بدبو دار مرغیوں‌ کی وجہ سے جہاں‌تعفن کا شکار ہیں. وہاں ان میں‌ خوف و ہراس بھی پایا جاتا ہے. کہ کہیں یہ کورونا کے بعد کسی اور بیماری جیسے برڈ فلو یا دیگر بیماریوں‌ کا سبب نہ بن جائے لیکن اس تمام تر دقت اور کوفت کے باوجود انتظامیہ نے اس ٹرک کو وہاں‌سے ہٹانے کا کوئی بندو بست نہیں کیا ہے. اس سلسلے میں‌جب متعلقہ تھانہ فون کیا گیا تو ان کی طرف سے کوئی جواب نہیں‌ملا .