رنگ پور: بھائیوں نے جائیداد میں اپنا حصہ مانگنے پر دو سگی شادی شدہ بہنوں کو گولیاں مار کر قتل کردیا، پولیس نے ملزمان کو گرفتار کر لیا ہے۔
تفصیلات کے مطابق مظفرگڑھ کے علاقے رنگ پور میں کڑی علی مردان میں دوہرے قتل کی واردات کا واقعہ پیش آیا، جہاں جابر اور ناصر نامی بھائیوں نے اپنی سگی بہنوں نسرین بی بی اور شاذیہ بی بی کو گولیاں مار کر قتل کردیا۔
پولیس کا کہنا تھا کہ شادی شدہ بہنیں بھائیوں سے جائیداد کے حصول کے لئے ملتان سے رنگپور آئی تھی لیکن بھائی وراثت میں ملی جائیداد بہنوں سے ہتھیانا چاہتے تھے۔
پولیس نے بتایا کہ بہنوں کے جائیداد دینے کے انکار پر سگے بھائیوں نے فائرنگ کرکے دونوں کو قتل کردیا۔
ڈئ پی او مظفرگڑھ طارق ولایت کے مطابق ملزمان کو گرفتار کر لیا ہے اور مقدمہ درج کیا جارہا ہے جبکہ لاشوں کو پوسٹ مارٹم کے لئے ڈی ایچ کیو مظفرگڑھ منتقل کردیا گیا ہے۔
ادھرشادی سے انکارپرلڑکی نے تو خودکشی کی ساتھ ہی اس کی سہیلیوں نے بھی اپنی زندگیاں داؤ پر لگا دیں۔
تفصیلات کے مطابق بہار(بھارت) کے ضلع اورنگ آباد میں لڑکی کو ایک نوجوان سے محبت ہوگئی جس کے بعد لڑکی نے لڑکے سے محبت کا اظہار کرتے ہوئے شادی کی پیشکش کی۔ جسے نوجوان نے مسترد کردیا۔
بھارتی میڈیا کے مطابق شادی سے انکارپرلڑکی دلبرداشتہ ہوگئی اورواپس گھرآکر زہریلی چیزکھا لی۔
واقعے کے بعد جب لڑکی کی 5 سہیلیاں اس کے گھر پہنچیں تو سہیلی کی یہ حالت دیکھ کر انہوں نے بھی زہریلی چیزنگل لی جس کے نتیجے میں تین کی موت واقع ہوگئی۔ باقی تین لڑکیوں کو مگدھ میڈیکل کالج لے جایا گیا جہاں وہ زیرعلاج ہیں۔
پولیس نے تینوں لڑکیوں کی لاشوں کو اپنے قبضے میں لے کر پوسٹ مارٹم کیلئے بھیج دیا اور واقعے کی تحقیقات شروع کردیں۔
واقعہ اورنگ آباد ضلع کے کسما تھانہ علاقہ کے چریلا گاؤں میں پیش آیا جہاں 6 سہیلیوں نے زہریلی چیزکھا کرزندگی کا خاتمہ کرنے کی کوشش کی۔
