بھارت: مسلمان بالی وڈ اداکار کی ٹوئٹ پر ویب سیریز ’مرزاپور 2‘ کے بائیکاٹ کی مہم

بالی وڈ اداکار علی فضل کی پرانی ایڈٹ شدہ ٹوئٹ پر اداکار کی بھارت میں آنے والی کرائم تھرلر ویب سیریز ’مرزاپور 2‘ کے بائیکاٹ کی مہم چلائی جا رہی ہے۔

باغی ٹی وی :’مرزاپور 2‘ ایمزون پرائم کی بھارت کی تیسری اویجنل ویب سیریز ہے جسے رواں ماہ 23 اکتوبر کو ریلیز کیا جائے گا ویب سیریز کا ٹریلر چند دن قبل 6 اکتوبر کو ریلیز کیا گیا تھا اور ویب سیریز کے ٹریلر کے سامنے آتے ہی بھارت کی سوشل میڈیا پر ’مرزاپور 2‘ کے بائیکاٹ کی مہم شروع ہوگئی۔

بھارتی ویب سائٹ دی کوئنٹ کے مطابق ’مرزاپور 2‘ کے بائیکاٹ کی مہم کی اصل وجہ ویب سیریز کے مرکزی اداکار علی فضل کی پرانی ایڈٹ شدہ ایک ٹوئٹ ہے۔

رپورٹ میں بتایا گیا کہ علی فضل کی ایک پرانی ٹوئٹ کو ایڈٹ کرکے سوشل میڈیا پر شیئر کیا گیا اور اسی ٹوئٹ کو بہانا بنا کر ’مرزاپور 2‘ کے بائیکاٹ کی مہم چلائی گئی۔

علی فضل کی جس ٹوئٹ کو بہانا بنا کر ’مرزاپور 2‘ کے بائیکاٹ کی مہم چلائی گئی وہ دراصل اداکار کی جعلی ٹوئٹ تھی۔

علی فضل کی حقیقی ٹوئٹ کا اسکرین شاٹ
علی فضل نے رواں برس اگست میں ’مرزاپور 2‘ کی جھلک شیئر کرتے ہوئے اسی ویب سیریز کا ایک ڈائیلاگ ’شروع مجبوری میں کئے تھے، اب آئے گا مزہ لکھا تھا جسے ایڈٹ کرکے اداکار کے خلاف مہم چلائی جارہی ہے۔

اداکار کی مذکورہ ٹوئٹ کو ایڈٹ کرکے رواں برس کے آغاز میں دارالحکومت نئی دہلی میں متنازع شہریت کے معاملے پر ہونے والے احتجاج کے دوران ہونے والے فسادات میں ہلاک ہونے والے پولیس افسر کے ہاتھ کی تصویر لگائی گئی۔

ایڈیٹ کی گئی جعلی ٹوئٹ کا اسکرین شاٹ
ٹوئٹ کے اداکار کی جانب سے لکھے گئے ویب سیریز کے ڈائیلاگ کے نیچے مظاہرین کے تشدد سے ہلاک ہونے والے پولیس افسر کی لاش کے ہاتھ کی تصویر شامل کرکے اسے انٹرنیٹ پر پھیلا کر ’مرزاپور 2‘ کے بائیکاٹ کی مہم چلائی گئی۔

مہم چلانے والے افراد نے مسلمان اداکار کو بھارت مخالف اداکار قرار دیا اور لوگوں سے اپیل کی کہ زہریلی زبان استعمال کرنے والے بھارت مخالف اداکار کی ویب سیریز ’مرزاپور 2‘ کا بائیکاٹ کیا جائے۔

اسی حوالے سے ٹائمز ناؤ نے اپنی رپورٹ میں بتایا کہ علی فضل نے مذکورہ ٹوئٹ کو بہانا بنا کر ویب سیریز کا بائیکاٹ کرنے کی مہم پر تعجب کا اظہار کیا اور کہا کہ اب کسی بھی ویب سیریز یا فلم کو دیکھنے یا نہ دیکھنے کا فیصلہ ٹوئٹر پر بننے والے ٹرینڈ دیکھ کر کیا جائے گا؟

علی فضل کا کہنا تھا کہ بھارت میں کئی بڑے مسائل ہو رہے ہیں جن میں کسانوں کی جانب سے ملک بھر میں کیے جانے والے مظاہرے بھی شامل ہیں مگر اس معاملے پر انہوں نے کبھی ٹوئٹر پر ٹرینڈ بنتے نہیں دیکھا؟

ساتھ ہی انہوں نے کہا کہ حالیہ دنوں میں کورونا نے بھارت کو تباہ کرکے رکھا ہے مگر اب کورونا پر بھی ٹرینڈ نہیں بن رہے؟ تو انہیں یہ سمجھ نہیں آ رہی کہ ان کی ویب سیریز کے خلاف کیوں ٹرینڈ بنا؟

دوسری جانب ’مرزاپور 2‘ کے دوسرے اداکاروں نے بھی ویب سیریز کے بائیکاٹ کی مہم پر تعجب کا اظہار کیا اور ساتھ ہی کہا کہ ویب سیریز کو کہانی کی وجہ سے پسند کیا جا رہا ہے اور لوگ بائیکاٹ کی مہم چلانے والے افراد کے جھانسے میں نہیں آئیں گے۔

کرائم تھرل سے بھرپور ویب سیریز میں نامور گڈو پنڈت کا کردار ادا کرنے والے اداکار نے مزید کہا "ہم کچھ اچھا بنانے کی کوشش کر رہے ہیں۔ ہم کوشش کر رہے ہیں کہ بین الاقوامی کاموں کے ساتھ بھی کام کریں جو ان بہت ہی پلیٹ فارمز میں موجود ہیں۔ ہم معاشرے کے بعض گروہوں کے ذریعہ دباؤ ڈالنا نہیں چاہتے ہیں۔

میر پور پور 2 ، جس میں پنکج ترپاٹھی ، دیویندو شرما ، رسیکا دگال ، وجئے ورما ، کلبھوشن کھربندا ، راجیش تیلنگ ، شیوتا ترپاٹھی ، ہرشیتہ گوڑ ، للیپٹ اور میگھنا ملک بھی مرکزی کردار میں شامل ہیں ، 23 اکتوبر کو ایمیزون پرائم ویڈیو میں پریمیئر کی جائے گی-

خیال رہے کہ ’مرزاپور 2‘ اسی نام سے 2018 میں ریلیز ہونے والی ویب سیریز کا دوسرا سیزن ہے، مذکورہ ویب سیریز میں ریاست اترپردیش اور بہار کے درمیان موجود علاقے پورو وانچل کے خطے میں ہونے والے جرائم اور تشدد پر مبنی سیاست کو دکھایا گیا ہے۔