مسلم لیگ(ن)کے دفتر پر احتجاج کے معاملے پر پارٹی کی مرکزی قیادت نے کراچی ڈویژن کو اظہار وجوہ کا نوٹس جاری کردیا

کراچی میں مسلم لیگ(ن)کے دفتر پر احتجاج کے معاملے پر پارٹی کی مرکزی قیادت نے کراچی ڈویژن کے صدر انجینئرسلمان خان کواظہار وجوہ کا نوٹس جاری کردیا ہے۔سلمان خان کو 7 روز کے اندر جواب جمع کروانے کی ہدایت کی گئی ہے .
اس حوالے سے مسلم لیگ(ن)کراچی کے صدر سلمان خان نے کہا کہ مجھ پر بے بنیاد الزامات لگائے گئے ہیں۔ کارکنان4گھنٹے احتجاج کرتے رہے ان سے کوئی رہنما ملاقات کیلیے نہیں آیا۔جب کارکنان سے ملاقات کیلیے کوئی رہنما نہ آیا تو میں وہاں گیا۔ میں کارکنان کو احتجاج سے روکنے کیلیے گیا تھا۔