اسپیکر پنجاب اسمبلی چوہدری پرویزالہی اورایم این اے مونس الہی سے مسلم لیگ ن کے بہاولنگر سے سابق ایم این اے اصغر حسین شاہ کی ملاقات ہوئی ، ملاقات میں سابق ایم این اے اصغر حسین شاہ کا چوہدری شجاعت حسین اورچوہدری پرویزالہی کی قیادت پراعتماد کا اظہار کیا ، مسلم لیگ ن کے سابق ایم این اے نے مسلم لیگ ق میں شمولیت کااعلان کیا۔
اسپیکر پنجاب اسمبلی چوہدری پرویزالہی نے اپنے بیان میں کہا کہ قومی سلامتی کے اداروں کے حوالے سے منفی پراپیگنڈہ افسوس ناک ہے، الحمد اللہ افواج پاکستان ہمیشہ مشکل کی ہر گھڑی میں عوام کے اعتماد پر پورا اتری ہے، سیاسی عدم استحکام اور سیاسی انتشار پیدا کرنے کا ماحول ختم ہونا چاہیے، سیاسی قوتیں عوام کے ڈلیور کریں جنہوں نے انہیں منتخب کیا،
اسپیکر پنجاب اسمبلی چوہدری پرویزالہی نے مزید کہا کہ مسلم لیگ قائد اعظم آئندہ بلدیاتی انتخابات میں بھرپور حصہ لے گی، پارٹی میں شامل ہونے والوں کو جماعت میں خوش آمدید کہتے ہیں شامل ہونے والوں کو آئندہ بلدیاتی انتخابات میں میدان میں اتارا جائے گا، اپوزیشن کے استعفے نہ دینے اورسینٹ الیکشن میں حصہ لینے کے فیصلے کا خیر مقدم کرتے ہیں، سینٹ کے انتخابی محاذ کے لئے مشاورت سے حکمت عملی ترتیب دی جائے گی،
رکن قومی اسمبلی مونس الہی نی کہا کہ دنیا بھر میں بھارت کے منفی عزائم بے نقاب ہورہے ہیں،بھارت کے گھناؤنے کھیل انکے اپنے لوگوں کے ہاتھوں سامنے آرہے ہیں، عالمی دنیا نوٹس لے بھارت امن سے کھیلنے کے لئے جھوٹے منصوبے بناتا ہے، سابق ایم این اے اصغر حسین شاہ۔ نے کہا کہ چوہدری شجاعت حسین اورچوہدری پرویز الہی نے ہمیشہ غریب عوام کے لئے آواز بلند کی، مسلم لیگ کے پلیٹ فارم سے عوام کی خدمت کریں گے
