مسلم لیگ ن کا یوم تکبیر کی تقریب سادگی سے منانے کا اعلان
باغی ٹی وی : 28 مئی 1998 کے تاریخی جوہری دھماکوں کے22 سال مکمل ہونے کے موقع پر یوم تکبیر کی تقریب کل بروز جمعرات مورخہ 28 مئی 2020 کو منعقد کی جارہی ہے جس میں پاکستان مسلم لیگ (ن) کی سینئر قیادت شریک ہوگی۔ کورونا وبا کے پیش نظر تقریب کو انتہائی سادہ رکھتے ہوئے تمام احتیاطی تدابیر کو ملحوظ رکھا جائے گا۔ تقریب دوپہر دو بجے (2 ) 180 ایچ ماڈل ٹاون میں منعقد ہوگی۔
کورونا وباءمیں میڈیا برادری کی حفاظت کے تقاضوں اور کم سے کم افراد جمع ہونے کی مجبوری کی بناء پر معزز رپورٹر حضرات سے معذرت ہے کہ انہیں مدعو نہیں کیاگیا۔
کیمرہ مین حضرات سے گزارش ہے کہ تشریف لاتے وقت حفاظتی تدابیر (مثلا ماسک، دستانے وغیرہ) کا خیال رکھیں۔
آپ سے تقریب کی لائیو کوریج کی درخواست ہے۔
منجانب: پاکستان مسلم لیگ (ن)
