اہم خبریں

ہمارےجوان ایسے ہیں جن سے میں پسینہ مانگوں تووہ خون دیتے ہیں، آرمی چیف

6 سال قبل
6 سال قبل

آرمی چیف جنرل قمر جاوید باجوہ نے کہا ہے کہ پاکستان کا مستقبل نوجوانوں کے ہاتھوں میں ہے

باغی ٹی وی کی رپورٹ کے مطابق آرمی چیف جنرل قمر جاوید باجودہ سے سندھ بھر سے آئے نوجوانوں کے نمائندہ وفد نے ملاقات کی ہے، آرمی چیف سے نوجوانوں کی ملاقات آئی ایس پی آر میں ہوئی.

ڈی جی آئی ایس پی آر کے مطابق آرمی چیف جنرل قمرجاوید باجوہ نے سندھ کےعوام کوبھرپورخراج تحسین یش کیا ،آرمی چیف جنرل قمر جاوید باجوہ نے سندھ کے نوجوانوں سے گفتگو کرتے ہوئے کہا کہ پاکستان کا مستقبل نوجوانوں کےہاتھوں میں ہے ،نوجوانوں نے بطورلیڈ رپاکستان کی سمت کا تعین کرنا ہے ،نوجوان ہی تبدیلی کا حقیقی محرک ہیں

آرمی چیف جنرل قمر جاوید باجوہ کا کہنا تھا کہ آپ لوگوں نےپاکستان کی قیادت کےلیےترجیحات طےکرنی ہیں،سندھ پاکستان کی جان ہے،سندھ کےجوان محنتی اوروفادارہیں،

آرمی چیف جنرل قمر جاوید باجوہ کے خطاب کے دوران نوجوانوں نے پاک فوج زندہ باد کے نعرے لگائے.

آرمی چیف کا مزید کہنا تھا کہ پاکستان کوبنانے میں سندھ کا اہم کردارتھا،اگرہم اپنے آپ کوایمانداری سے نہیں دیکھیں گے توکوئی ہماری مددنہیں کرے گا،فوج میں میرٹ کاسسٹم ہے،ہم نے پاکستان کووہاں لے جانا ہےجواس کا حق بنتا ہے،یہ سب کوسوچنا ہے کہ پاکستان کومیرٹ کی بنیاد پرآگے لے جانا ہے،

آرمی چیف جنرل قمر جاوید باجوہ کا مزید کہنا تھا کہ محنت کاکوئی نعم البدل نہیں ،جس سمت میں نوجوان جائیں گےپاکستان اسی سمت میں جائے گا ،لوگ پوچھتےہیں یہ کامیابی کیسے حاصل کرلی کہ دہشتگردوں کواٹھاکرملک سے باہرپھینک دیا،میں کہتا ہوں ہماری مائیں ایسی ہیں جوایسے بچے پیدا کرتی ہیں جوملک پرجان نچھاور کرتے ہیں ،ہمارےجوان ایسے ہیں جن سے میں پسینہ مانگوں تووہ خون دیتے ہیں،

آرمی چیف کا مزید کہنا تھا کہ ہم نے کراچی کودہشتگردوں سےآزاد کرایا،ہماراافسرہمیشہ سب سےآگےہوتاہے،دنیامیں سب سے پہلارشتہ انسانیت کا ہے،کسی مذہب میں کسی کاحق مارنےکی اجازت نہیں،اخلاقی قوت، فوجی قوت سے بہت زیادہ ہوتی ہے،ہم نے پاکستان کووہاں لےجانا ہےجواس کاحق ہے ،آپ مضبوط بچے ہیں،آپ سمندروں کارخ تبدیل کرسکتے ہیں ،

آرمی چیف جنرل قمر جاوید باجوہ کا مزید کہنا تھا کہ پاکستان کامستقبل جمہوریت سےہی وابستہ ہے،یہ تبدیلی کاآغازہے

Shares:

مزید خبریں