مظفرگڑھ میں 2 خواجہ سراوں پر تشدد کی ویڈیو وائرل ہونے پر آر پی او فیصل رانا کا سخت نوٹس،ڈی پی او سے رپورٹ طلب کر لی،تفصیلات کے مطابق مظفر گڑھ میں 2 خواجہ سراوں پر تشدد کی ویڈیو وائرل سے اطلاع ملنے پر آر پی او فیصل رانا نے سخت نوٹس لیتے ہوئے ڈی پی او مظفر گڑھ سے فوری رپورٹ طلب کی،ڈی پی او مظفر گڑھ نے آر پی او کو بتایا کہ خواجہ سراوں کے ،،گرو،،نے ہی انہیں ڈنڈوں سوٹوں سے تشدد کا نشانہ بناتے ہوئے زبردستی ان کے بال کٹوا دئیے،پولیس کو جیسے ہی متاثرین کی جانب سے تحریری درخواست ملے گی اس پر فوری قانونی کارروائی ہو گی۔آر پی او فیصل رانا نے کہا کہ خواجہ سراوں کو معاشرے کا محروم طبقہ سمجھا جاتا ہے۔
لوگ قانون شکنی کے حوالے سے انہیں آسان ہدف سمجھتے ہیں جبکہ قانون میں خواجہ سراوں کے بھی عام شہری کی طرح برابر کے حقوق ہیں اور قانون ان حقوق کا محافظ ہے آر پی او فیصل رانا نے کہا کہ خواجہ سراوں سے قانون شکنی کرنے والا کوئی خواجہ سرا ہو ان کا گرو ہو یا عام شہری قانون شکنی قانون شکنی ہے جس پر کارروائی کا ہونا ہی قانون کا تقاضا ہے ,آر پی او فیصل رانا نے کہا پولیس متاثرہ خواجہ سراوں سے رابطہ کر کے ان کا میڈیکل کروائے ،قانونی کارروائی کے حوالے سے ان کی درخواست پر فوری کارروائی کی جائے اور متاثرین کے تحفظ کے لئے پولیس اس طرح کے انتظامات کرے کہ اس نوعیت کا واقعہ دوبارہ پیش نہ آئے۔
