مضر صحت برف کی قیمت بھی زیادہ کر دی گئی

قصور
مضر صحت غیر معیاری پانی سے بنی برف کی فروخت جاری،قیمت بھی ڈبل کر دی گئی،ضلعی انتظامیہ خواب خرگوش کے مزے میں

تفصیلات کے مطابق ضلع قصور میں گرمی کی شدت کے باعث برف کی مانگ میں اضافہ ہو گیا ہے
برف بنانے والے کارخانوں نے بغیر واٹر فلٹریشن پلانٹس کے عام پانی سے ہی برف بنا کر بیچنا شروع کی ہوئی ہے
نیز پرانے سانچوں کے باعث برف میں گندگی و زنگ بھی لوگوں تک پہنچتا ہے جس کے استعمال سے لوگ مختلف بیماریوں کا شکار ہو رہے ہیں
برف کی مانگ میں اضافے کے پیش نظر بیشتر برف کے کارخانوں نے فی بلاک کا ریٹ 350 سے بڑھا کر 650 روپیہ تک کر دیا ہے
ضلعی انتظامیہ کی نااہلی کے باعث لوگ غیر معیاری برف انتہائی زیادہ قیمت پر خریدنے پر مجبور ہیں
شہریوں نے ڈپٹی کمشنر قصور سے اپیل کی ہے کہ برف کے کارخانوں کو واٹر فلٹریشن پلانٹس لگانے کا پابند کیا جائے اور برف کے ریٹ کم کروائے جائیں