‘میرا نام عامر ہے جس کو شکایت لگانی ہے لگا دو:سندھ سے ایک اوربُری خبرآگئی

کراچی: ‘میرا نام عامر ہے جس کو شکایت لگانی ہے لگا دو:سندھ سے ایک اوربُری خبرآگئی ،اطلاعات کے مطابق کراچی اور سندھ میں دیگر مقامات پر جس طرح‌سرکاری ملازمین سیاسی اثرورسوخ کے بل بوتے پر عوام الناس سے بدتمیزیاں کررہے ہیں اس کی مثال کسی گئے گزرے معاشرے میں بھی نہیں ملتی ، صورتحال تو اس حد تک بگڑچکی ہے کہ چیئرمین نادرا کے واضح احکامات کے باوجود نادرا سندھ کے اعلیٰ افسران عوام کو نادرا مراکز میں عزت اور سہولت نہ دلوا سکے۔

سندھ سے آنے والی خبروں کے مطابق نادرا سینٹر کورنگی کی ایک ویڈیو سامنے آئی ہے، جس میں نادرا مراکز میں عوام کو فراہم کردہ سہولتوں کا بھانڈا پھوٹ گیا ہے۔ویڈیو میں نادرا سینٹر کورنگی کے اسسٹنٹ ڈائریکٹر عامر سراج شہریوں کے ساتھ ہتک آمیز سلوک کرتے اور دھمکی دیتے نظر آتے ہیں۔ نادرا افسر ایک خاتون کو دھمکی دیتے ہوئے کہتےہیں کہ ‘میرا نام عامر ہے جس کو شکایت لگانی ہے لگا دو’۔

واضح رہے کہ اسسٹنٹ ڈائریکٹر عامر سراج پہلے بھی مِس کنڈکٹ پر نوکری سے فارغ ہو چکے تھے، لیکن افسران کی سرپرستی کی وجہ سے نوکری پر بحالی کے بعد پھر عوام کی عزت نفس کو مجروح کرنے میں مصروف ہیں۔

بدتمیزی پر جب خاتون نے اپنے کاغذات واپس مانگے تو اسسٹنٹ ڈائریکٹر نے کہا واپس نہیں کروں گا، میری مرضی، میرا نام عامر ہے جس کو شکایت لگانی ہے لگا دو، بے شک میری شکایت پورٹل پر ڈال دو۔متاثرہ خاتون نے دہائی دی ہے کہ وہ 50 دن سے نادرا مرکز کے چکر لگا رہی ہیں، اور ان سے جو مانگا گیا وہ سب فراہم کر دیا۔

ذرائع کا کہنا ہے کہ اسسٹنٹ ڈائریکٹر عامر نے بیش تر افراد کے کاغذات شناختی پراسس کے لیے اپنے پاس ناجائز طور پر رکھے ہوئے ہیں۔

دوسری طرف اس وقت سوشل میڈیا پربڑی تعداد میں صارفین نے وفاقی حکومت کی منتیں شروع کردی ہیں کہ خدا را سندھ کے اس جابرانہ ، جاگیردارانہ اور ظالمانہ نظآم سے ہماری جان چھڑائیں اورسندھ کے شہریوں کو عزت اور سکون سے زندہ رہنے کے اقدامات کریں‌

اکثر صارفین نے وزیراعظم عمران خان سے درخواست کی ہے کہ وہ سندھ میں اس اندھیر نگری کے خلاف ایکشن لیں اور وفاقی افسران کو تو پابند کریں‌کہ وہ شہریوں کےساتھ اچھے سلوک سے پیش آئیں