شفقت چیمہ نے تردید کردی ، بیٹا زندہ اور صیح سلامت ہے

لاہور:جھوٹ پھیلانے والوں کو اللہ سے ڈرنا چاہیے ، میرا بیٹا زندہ اورصیح سلامت ہے، پاکستانی فلم انڈسٹری کے معروف اداکار شفقت چیمہ نے بیٹے کی ہلاکت کی خبر کی تردید کردی۔

ذرائع کے مطابق بیٹے کی ہلاکت کی جھوٹی خبر پھیلانے والوں کے بارے میں شفقت چیمہ نے کہا کہ ساری زندگی کسی کا دل نہیں دکھایا، میرے بیٹے کی کار حادثے میں ہلاکت کی جھوٹی خبر دکھائی گئی۔

اداکار شفقت چیمہ نے کہا کہ فوری طور پر بیٹے کو فون کیا، فون نہ اٹھانے پر دل اداس ہوا، دوبارہ فون کیا تو بیٹے نے اٹھایا، آواز سن کر دل کو تسلی ہوئی۔انہوں نے کہا کہ جس نے بھی یہ جھوٹی خبر دی ہے کیا اس کو خدا کا خوف نہیں ہے۔

شفققت چیمہ نے کہا کہ میرا ایک ہی چراغ ہے، جلے گا تو میری زندگی میں روشنی ہوگی، میں نے کسی کا کیا بگاڑا ہے، ایسا نہیں ہونا چاہئے تھا۔واضح رہے کہ سوشل میڈیا پر اداکار شفقت چیمہ کے بیٹے کی کار حادثے میں ہلاکت کی جھوٹی خبر گردش کررہی تھی۔