صدائے ضمیر:
"نشانِ راہ”۔
مسافر جب سفر کرتا ہے تو راہ میں۔۔۔۔
نشیب بھی آتے ہیں۔۔۔
فراز بھی۔۔۔۔
سمندر بھی صحرا بھی۔۔۔۔
سایہ دار درخت بھی تو۔۔۔۔
کڑکتی دھوپ بھی۔۔۔۔
مگر منزل کا متلاشی مسافر ان سبھی کا سامنا خندہ پیشانی اور ایک ایسی تیز دھار مسکراہٹ سے کرتا ہے کہ۔۔۔۔۔
جس سے اس سفر کی ہر مشکل کٹتی چلی جاتی ہے۔۔۔۔
اکثر یہ ہوتا ہے کہ ہم ذرا سی بلندی کی طرف بڑھنے سے پہلے ہی مغرور ہو جاتے ہیں۔۔۔۔
خود کو بہت بلندیوں پر سمجھتے ہوئے دوسروں کے استحصال شروع کر دیتے ہیں۔۔۔۔
وہ استحصال لوٹ مار کے ذریعے ہی نہیں ہوتا بلکہ۔۔۔۔
عاجزی
اظہارِ دانش
اخلاق و مروت
اخلاص و ہمدردی کو بیچ کر۔۔۔۔۔
غرور وتکبر کی ردا اوڑھ کر۔۔۔
مگر یاد رکھیئے کہ
زندگی میں ترقی کرتے کرتے آپ کسی بھی عہدہ یا منصب پر فائز ہو جائیں۔۔۔
ان چیزوں کی عدم موجودگی آپ کی منزل کی دوری کا باعث بن جائے گی۔۔۔۔۔
آپ منزل تک پہنچ کر بھی بے منزل ہی رہیں گے۔۔۔۔
وجہ یہی ہو گی کہ اس سفر کی صعوبتوں کو برداشت کرنے کی صلاحیت نہیں ہو گی۔۔۔۔
کسی کا دل دکھا کر۔۔۔۔
کسی کو حقیر سمجھ کر۔۔۔۔
کسی کو جھٹک کر۔۔۔۔۔
کسی کے ساتھ مزاج کی درشتی سے پیش آ کر۔۔۔۔
لوگوں کی تحقیر۔۔۔۔
اور ناحق خوش فہمی میں مبتلا ہو کر۔۔۔۔۔ہم اپنی منزل کو کھوٹا کر دیتے ہیں۔۔۔۔!!!!!!!!
چونکہ سعادت و فلاح کی کچھ نمایاں علامتیں ہیں۔۔۔۔۔
اور یہ نشانِ راہ ہی آپ کی بلند خلقی،عاجزی، انکساری اور سوچ کا پتہ دیتے ہیں۔۔۔۔!!!!!!
فلاح کی نشانی یہ ہے کہ علم بڑھا تو تواضع و رحمدلی میں بھی اضافہ ہو گیا۔۔۔۔
ایسا آدمی محسوس کرے گا کہ یہ علم کی دولت اللّٰہ تعالی کی عطا کردہ ہے۔۔۔۔
میں نے اس دوشنی سے ارد گرد کی جہالتوں کا سدباب کرنا ہے۔۔۔۔
جتنا علم بڑھے گا،اُتنا ہی خوف بھی بڑھے گا۔۔۔۔۔
کیونکہ لغزش قدم،زبان ودل منزل کے کھو جانے کا سبب بن سکتے ہیں۔۔۔۔
تو یہی سوچ کر وہ ہر اٹھتا قدم احتیاط سے رکھے گا۔۔۔۔
ایسے شخص کاجاہ و منصب جتنا ترقی کرے گا وہ لوگوں کے قریب ہو کر انہیں مستفید کرنے کی کوشش کرے گا۔۔۔۔
ان کی ضروریات پوری کرے گا،
تواضع سے پیش آئے گا۔۔۔۔
کہ وہ جانتا ہے کہ علم،مال،منصب دینے والا امتحان لے رہا ہے،،،،
مہلت ختم ہو رہی ہے۔۔۔۔۔۔
موت قریب آ گئی ہے۔۔۔۔
جبکہ اس کے برعکس انسان کی حالت یہ ہوتی ہے کہ۔۔۔۔
ان چیزوں کے اضافے کے ساتھ ہی۔۔۔۔
دل خالی ہونے لگا۔۔۔۔
مزاج میں گرمی آنے لگتی۔۔۔۔
انداز میں درشتی در آتی ہے۔۔۔۔۔
دل پھولنے لگتا۔۔۔۔
خوش فہمیوں کے سلسلے دراز ہو جاتے ہیں۔۔۔۔
یہ سب چیزیں ہمیشہ کے لیئے اپنی ملکیت سمجھ بیٹھتا ہے۔۔۔۔
علم،مال،منصب پا کر۔۔۔
بس خود کو نجات یافتہ سمجھ کر۔۔۔۔۔
اپنا بیڑا پار۔۔۔۔۔
باقی سب منجدھار میں۔۔۔۔سوچنے لگتا ہے۔۔۔!!!!!!!
قدر و منزلت کے بڑھنے سے تکبر و غرور کی چادر بھی وسیع ہوتی چلی جاتی ہے۔۔۔!!!!!!!
اور بالآخر تکبر کا انجام خاک نشین ہو جانا ہی ہوتا ہے ناں۔۔۔؟؟؟؟
غیب سے کوڑا برستا۔۔۔۔۔اور
کسی کی حق تلفی۔۔۔۔
کسی کی تحقیر۔۔۔۔کی آہ عرش سے جا ٹکراتی ہے اور تکبر کے برج زمین بوس ہو جاتے ہیں۔۔۔۔
یہی تو ناکامی ہے۔۔۔۔ !!!
وجہ منزل کے نشانات کو سمجھنے سے عاری ہونا ہے۔۔۔۔
کیونکہ اس راہ میں اس کا واسطہ ہر نوع کے انسانوں سے پڑتا ہے۔۔۔۔
جو مثلِ دھوپ وسایہ ہوں گے۔۔۔۔
جو سمندر و صحرا ہوں گے۔۔۔۔
جو نشیب و فراز ہوں گے۔۔۔۔
مگر انسان کو ملے کسی بھی منصب کا تقاضا ہے کہ وہ ان کی اصلاح کرتا چلا جائے۔۔۔۔
تکبر سے کبھی نہ جھڑکے۔۔۔۔
تحقیر نہ کرے۔۔۔۔
بلند ہمتی سے چلے۔۔۔۔
کیونکہ کسی بھی سفر میں مسافر کی ہمت ہی اس کی شخصیت میں اثبات ونفی کا مرکز ہے۔۔۔۔
یہ بات یاد رکھنے کے قابل ہے کہ عاجزی،علو ہمتی اور محبت انسانیت ہمیشہ اوپر اٹھاتی،،،،،،
اور کبر ہمیشہ نیچے گرا دیتا ہے۔۔۔۔!!!!!!
سفر کوئی بھی منتخب کریں مگر نشانِ راہ سے دامن خالی نہ ہو کیونکہ ہمارے اضطراب و بے چینی کی وجہ یہی ہوتی ہے کہ ہم یکبارگی سب کو روند کر بہت بلند ہونا چاہتے ہوتے ہیں۔۔۔
اپنی منزل کے مراحل طے ہی نہیں کرتے۔۔۔۔
تدریج کے اصول کو یکسر جھٹک دیتے اور گہری غلطیوں کی دلدل میں جا پھنستے ہیں۔۔۔۔اور پھر منزل کے قریب پہنچ کر بھی منزل سے دور ہو جاتے ہیں۔۔۔۔
یہی ہے ناں قدرت کا قانون۔۔۔۔؟؟؟؟؟
اور یہ نشانِ راہ ہی کسی مسافر کو درجہ کمال سے سرفراز کرتے ہیں۔۔۔۔
اور ان سے قدم ہٹا لینا ہی اس کے زوال کی وجہ بھی۔۔۔۔!!!!!!!!!!!!!!
اپنے دامن میں ایمان،محبت،عاجزی،اصلاح کے پھول کسی بھی میدان میں کبھی ختم نہ ہونے دیجیئے۔۔۔۔
کہ
>منزل ہے آسمان تو بے بال و پر نہ جا۔۔۔!!!!!!!!!!!!
¤¤¤¤¤¤¤¤¤¤¤¤¤¤¤¤¤¤¤
بقلم:(جویریہ چوہدری)۔
