لاہور:6 سالہ بچے کی پراسرارہلاکت

لاہور کے علاقے کاہنہ میں 6 سالہ بچہ پراسرار طور پر جاں بحق گیا۔

باغی ٹی وی : تفصیلات کے مطابق سوتیلی ماں نے پولیس کو دیئے گئے بیان میں کہا ہے کہ 6 سالہ عمر واش روم میں گر کر جان کی بازی ہار گیا۔

پولیس حکام کے مطابق بچے کی لاش واش سے بر آمد ہوئی ہے جبکہ جسم پر تشدد کے نشانات موجود ہیں، واقعے کی تحقیقات کررہے ہیں تاہم عمر کی لاش کو پوسٹ مارٹم کے لیے مردہ خانے منتقل کردیا گیا ہے جس کے بعد موت کی وجوہات کا تعین کیا جا سکے گا۔

6 سالہ بچے کے مبینہ طور پر واش روم میں گر کر جاں بحق ہونے کے معاملے پر سی سی پی او غلام محمود ڈوگر نے نوٹس لیتے ہوئے ایس پی ماڈل ٹاؤن سے رپورٹ طلب کرلی ہے۔

سی سی پی او لاہور کاحادثہ اور قتل سمیت واقعہ کی مکمل پہلوؤں سے تحقیقات کا حکم دیتے ہوئے میڈیکل رپورٹ اور شواہد کی روشنی میں موت کی وجوہات کا تعین کرنے کا حکم دیا ہے۔

بلدیاتی انتخابات فوج کی نگرانی میں کرائے جائیں،حافظ نعیم الرحمان

قبل ازیں رحیم یار خان میں 2 بچوں کو نہرمیں پھینک کرقتل کے مقدمہ میں نامزد زیرحراست ملزم کی حوالات میں مبینہ خود کشی کر لی ملزم نے 3 روز قبل تھانہ صدر کے علاقے امین گڑھ میں 2 معصوم بچوں کو نہر میں پھینک کر قتل کیا تھا-

پولیس کا کہناتھا کہ ملزم نے رات گئے تھانہ صدر کے حوالات میں شدید ذہنی دباؤ کے باعث پھندا ڈال کر خود کشی کرلی،دوران ڈیوٹی غفلت برتنے پر ڈی پی او نے تھانے کے ایس ایچ او اور محرر کو معطل کردیا اہلکاروں کے خلاف محکمانہ کارروائی کا حکم دیا-

رحیم یار خان: 2 بچوں کو نہر میں پھینک کر قتل کے مقدمہ میں نامزد زیر حراست ملزم کی…