ن لیگ کے گرد گھیرا تنگ، دو اور رہنماؤں کے خلاف پرچے درج کر لیے گئے

ڈی سی سیالکوٹ ذیشان جاوید لاشاری کی درخواست پر ن لیگی رہنما اور سابق ایم پی اے چوہدری اکرام ،انکے بھائی چوہدری عبدالرحمن پر اینٹی کرپشن میں دوپرچے درج،محکمہ مال کے نائب تحصیلدار، گرداور اور پٹواریوں سمیت 6 افراد بھی مقدمہ میں نامزد

ملزمان کی گرفتاری کے لئے چھاپے مارے جا رہے ہیں۔ اینٹی کرپشن حکام ڈپٹی کمشنر سیالکوٹ ذیشان جاوید لاشاری نے ڈی جی اینٹی کرپشن کو ملزمان کے خلاف ریفرنس بھیجا تھا ،ڈپٹی کمشنر سیالکوٹ نے اپنے ریفرنس میں چوہدری اکرام اور محکمہ مال افسران کے خلاف پرچہ دینے کی استدعا کی تھی۔
ملزمان نے فراڈ، جعل سازی اور بدنیتی سے انتقالات کرائے۔ ریفرنس کا متن ،ملزمان نے جعلسازی سے پراپرٹی کی انتقالات فیس کی مد میں سرکاری خزانے کو کروڑوں روپے کا نقصان پہنچایا۔ ریفرنس کا متن

ڈپٹی کمشنر سیالکوٹ کے مطابق ملزمان پر ایک مقدمہ محکمہ مال کے عملے کی ملی بھگت سے غیر قانونی طور پر چار جعلی انتقالات کرانے پر درج کیا جائے۔ ملزمان نے 8 کنال 11 مرلے رقبہ باہمی تبادلہ کے ساتھ درج کرایا مگر متبادل رقبہ نہیں دیا گیا۔
ملزمان پر دوسرا مقدمہ فروخت کنندہ فتح بی بی کی وفات کے بعد جعلی انتقال کرانے پر درج کیا جائے۔ ملزمان نے جعل سازی سے 6کنال 4 مرلہ رقبہ فروخت کنندہ کی وفات کے 6 سال بعد اپنے نام ٹرانسفر کرایا۔ اینٹی کرپشن پنجاب کے مطابق پنجاب بھر میں کرپٹ مافیا کے خلاف بلاامتیاز کاروائیاں جاری رہیں گی۔سرکاری خزانے کی ایک ایک پائی کا حساب لیا جائے گا۔