فضل الرحمن صاحب خداکاواسطہ:نوازشریف نہیں اپنےاسلام کوبچائیں،علما کی بدنامی کاباعث نہ بنیں:حافظ حسین احمد

لاہور:مولانا فضل الرحمن صاحب خدا کا واسطہ:نوازشریف نہیں اپنےاسلام کوبچائیں،علما کی بدنامی کا باعث نہ بنیں:حافظ حسین احمد نے مولانا فضل الرحمن کی منتیں کرنا شروع کردیں ،اطلاعات کے مطابق جمعیت علمائے اسلام کے رہنما حافظ حسین احمد نے کہا ہے کہ مولانا فضل الرحمان کو اب اپنی ‏باقی ماندہ ساکھ اور وقار بچائے کے لئے پی ڈی ایم کی صدارت سے فوراًمستعفی ہوجانا چاہئے۔

ممتازعالم دین حافظ حسین احمد نے مولانا فضل الرحمن سے درخواست کرتےہوئے کہاکہ آپ ہمیں جوکچھ مرضی کہہ لیں، ہم سب برداشت کرلیں گے لیکن خدارا یہ وقت علما اوراسلام کی عزت وتکریم کی بحالی کا ہے جسے آپ نوازشریف کی خاطرقربان کررہے ہیں

حافظ حسین احمد نےکہا ہے کہ آپ نوازشریف کو بچانے کی خاطرعلما اوردینی مدارس کے طلبا کوقربان کررہے ہیں ، خدارا ایسا نہ کریں ، یہ سیاست ہے اورعلما کا کام ان مشکل حالات میں اسلامی معاشرت کو قائم رکھنا ہوتا ہے

حافظ حسین احمد نے مولانا فضل الرحمن کی منتیں کرتے ہوئے کہا کہ آپ کے طرزعمل نے جمعیت علمائے اسلام کے ٹکڑے ٹکڑے کردیئے

انہوں نے مزید کہا کہ نوازشریف جوکہ غیروں کے ایجنڈے کے لیے کام کررہا ہے اورآپ اس کی مدد کررہے ہیں کیا یہ اسلام کی خدمت ہورہی ہے ،

حافظ حسین احمد نے کہا کہ مریم نواز بھی اپنے والد کی طرح گرفتاری سے بچنے کے لیے ‏ضمانت قبل از ”وارنٹ“ حاصل کرچکی ہے مسلم لیگ ن کے اس تازہ دلیرانہ انفرادی اقدام کے بعد ‏مولانا فضل الرحمن کو ایک اور تازہ دھچکا لگا ہے۔

میڈیا کو جاری بیان میں حافظ حسین احمد نے کہا کہ نیب کے خلاف مظاہروں اور جیل بھرنے کی ‏دھمکیاں بھی ”گیڈر بھبکی“ ثابت ہوسکتی ہیں۔

انہوں نے کہا کہ پی ڈی ایم میں شامل جماعتوں کے انفرادی فیصلوں کے باعث مولانا فضل ‏الرحمان محض ایک نمائشی اور بے اختیار صدر ثابت ہوچکے ہیں لہذا مولانا فضل الرحمان کو اب ‏اپنی باقی ماندہ ساکھ اور وقار بچائے کے لئے فوراًمستعفی ہوجانا چاہئے۔