نہ جیتنے کا غم کم تھا کہ لاہور قلندر کو لگا ایک اور دھچکا

نہ جیتنے کا غم کم تھا کہ لاہور قلندر کو لگا ایک اور دھچکا

باغی ٹی وی :لاہور قلندر کو لگا ایک دھچکا کہ جب اس کے مایہ ناز فاسٹ باؤلر زخمی ہوکر ٹیم سےباہر ہوگئے. پی سی بی اور لاہور قلندرز کی انتظامیہ کے مطابق حارث رؤف ایڑھی میں انجری کی وجہ سے 2 سے 3 میچز کے لیے ٹیم کو دستیاب نہیں ہوں گے اور ان کی جگہ سلمان ارشاد کو ٹیم میں شامل کیا گیا ہے۔

زخمی حارث رؤف کی جگہ کھیلنے والے سلمان ارشاد اس سے قبل پی ایس ایل 2018 میں لاہور قلندرز کی نمائندگی کر چکے ہیں اور انہوں نے ایونٹ میں 3 میچز کھیلے تھے۔

واضح رہے کہ لاہور قلندر اس بار بھی جیت کا مزا چکھنے سے ابھی تک دور ہے.پاکستان سپر لیگ کے پانچویں ایڈیشن میں لاہور قلندرز اب تک 2 میچز کھیل چکی ہے اور دونوں میں ہی اسے شکست کا سامنا کرنا پڑا ہے۔