قومی اسمبلی کی نشستوں پرکامیاب سات آزاد امیدواروں کا پیپلز پارٹی سے رابطہ

اسلام آباد: قومی اسمبلی کی نشستوں پرکامیاب سات آزاد امیدواروں نے پیپلز پارٹی سے رابطہ کیا ہے-

باغی ٹی وی : ذرائع کے مطابق قومی اسمبلی کی نشستوں پرکامیاب سات آزاد امیدواروں نے پیپلز پارٹی سے رابطہ کیا ہے، جن میں جنوبی پنجاب سے پانچ، وسطی پنجاب اور خیبرپختونخوا سے ایک ایک آزاد امیدوار شامل ہیں، نو منتخب آزاد امیدواروں کی آصف علی زرداری سے ملاقات متوقع ہے، جس میں ان کی پیپلز پارٹی میں شمولیت سے متعلق حتمی فیصلہ ہوگا آزاد امیداروں کوپیپلزپارٹی میں شامل کرانے کیلئے مخدوم احمد محمود اور یوسف رضا گیلانی سمیت دیگر رہنما متحرک ہیں۔

دوسری جانب پی ایس تھری جیکب آباد سے کامیاب آزاد امیدوار ممتاز جکھرانی بھی پیپلز پارٹی میں شامل ہوگئے ہیں میر ممتاز جکھرانی کا کہنا ہے کہ میں پیپلزپارٹی خاندان کا حصہ تھا ہوں اور رہوں گا میں اپنی کامیابی بلاول بھٹو اور آصف زرداری کے نام کرتا ہوں میری ناراضی وقتی تھی، میں پارٹی کے خادم کی طرح کام کرتا رہوں گا، میرا ووٹ پیپلز پارٹی کے حصے میں شامل کیا جائے۔

سونے کی قیمت میں کمی

میں اس پوزیشن میں نہیں کہ کسی فیصلے کااعلان کرسکوں،بلاول بھٹو

کچھ ملکوں کے اثاثوں کو منجمد کرکے امریکا نے دنیا کو ایک غلط سگنل …