نعت رسول مقبول صلی اللہ علیہ وآلہ وسلم بقلم:جویریہ بتول

نعت…!!!
(بقلم:جویریہ بتول)۔
آپ رحمتِ عالم بن کر آئے…
ہر خلق و بشر کے لیئے…
آپ نصابِ ہدایت وہ لائے…
جو سلیقہ بنا سفر کے لیئے…
دیا وہ کامِل نظام ہم کو…
سدا جو اثاثہ فخر کے لیئے…
شبِ تیرگی کی سب حدیں…
مِٹ گئیں روشن سَحر کے لیئے…
ہر رِستا زخم مندمل ہو گیا…
کہ قانون تھا بحر و بر کے لیئے…
چُن لیئے آپ نےجتنے تھے کانٹے…
کھِلے پھول ہر رہ گزر کے لیئے…
وہ آئے تاجِ ختمِ نبوت سجائے…
ہے دلیل یہ ہر اہلِ نظر کے لیئے…
آپ کی تعلیم ہے وہ مینارۂ نور…
بنے روشنی جو ہر رہبر کے لیئے…
کوئی کون ہے،کہاں ہے اور کہیں…؟
فیضِ عام ہے ہر طالبِ ثمر کے لیئے…
میرے دل کا سکون و قرار ہیں وہ…
جن کا اسوہ کامِل تا حشر کے لیئے…!!!