نیب کی جانب سے گرفتاری کے بعد صوبائی وزیر جنگلات نے وزارت سے استعفیٰ دے دیا
چوہدری برادران کے دور میں اربوں کی کرپشن کرنیوالے صوبائی وزیر جنگلات گرفتار
باغی ٹی وی کی رپورٹ کے مطابق پنجاب کے صوبائی وزیر جنگلات سبطین خان کو گزشتہ روز نیب نے گرفتار کیا تھا انہوں نے اپنی وزارت سے استعفیٰ دے دیا ہے، صوبائی وزیر جنگلات سبطین خان نے اپنا استعفیٰ وزیراعلیٰ پنجاب عثمان بزدار کو بھجوا دیا. نیب آج صوبائی وزیر جنگلات سبطین خان کو احتساب عدالت میں پیش کرے گی اور ان کے جسمانی ریمانڈ کی استدعا کی جائے گی.
واضح رہے کہ صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں صوبائی وزیر جنگلات سبطین خان تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا دیا ،آج نیب نے انہیں گرفتار کر لیا
