شاہد خاقان عباسی کا طبی معائنہ ، نیب راوالپنڈی کو ترس آگیا
راوالپنڈی :نیب راوالپنڈی سابق وزیر اعظم پر مہربان ہوگئی ، نیب نے ڈاکٹروں کو شاہد خاقان کی صحت کا خیال رکھنے کا حکم دے دیا ، اسی سلسلے میںشاہد خاقان عباسی کا نیب راولپنڈی میں طبی معائنہ کیا گیا۔ سابق وزیراعظم کے بلڈ شوگر، بلڈ پریشر اور دیگر ضروری ٹیسٹ کیے گئے ہیں۔
نیب ذرائع کے مطابق نیب کی ٹیم نے شاہد خاقان عباسی سے ممکنہ ادویات کے استعمال کے حوالے سے معلومات لی۔ شاہد خاقان عباسی کو گھر سے کپڑے بستر اور دیگر ضروری اشیاء منگوانے کی اجازت ہوگی۔
شاہد خاقان عباسی کو کل صبح احتساب عدالت جسمانی ریمانڈ کے حصول کیلئے پیش کیا جائے گا۔ نیب کی جانب سے شاہد خاقان عباسی کی ابتدائی طور پر پندرہ روزہ ریمانڈ پر لیا گیا ہے.
