نبیﷺ کا امتی ہونا ہمارے لیے اللہ تعالی کا احسان عظیم ہے، اسد قیصر

نبیﷺ کا امتی ہونا ہمارے لیے اللہ تعالی کا احسان عظیم ہے، اسد قیصر

اسلام آباد ۔ 09 نومبر (اے پی پی)نبی کریم ﷺ پوری کائنات کے لیے مشعل راہ اور باعث رحمت ہیں۔ سپیکر قومی اسمبلی اسد قیصر نے کہا ہے کہ حضور نبی ﷺ کا اسوہ حسنہ عدل وانصاف، سچائی، بقائے باہمی، انسانیت سے ہمدردی، صبر و برداشت اور امن ومحبت کی بہتر ین مثال ہے۔

محسن انسانیت حضرت محمد ﷺکے یوم پیدائش پروزیراعظم کا پیغام

میلا دالنبیﷺ کے موقع پر اپنے پیغام میں اسد قیصر نے کہا کہ آپ ﷺ کی سنت و تعلیمات پر عمل پیرا ہو کر ہی دنیا میں حقیقی امن قائم کیا جا سکتا ہے۔ انہوں نے کہا کہ (آج) اتور کو عید میلاد النبیﷺ پورے عالم اسلام میں عقیدت و احترام سے جا رہی ہے۔ قومی اسمبلی میڈیا ونگ سے جاری بیان کے مطابق انہوں نے میلادالنبیﷺ کے باسعادت موقع پر امت مسلمہ کو مبارک باد دیتے ہوئے کہا کہ نبی ﷺ کی آمد ساری کائنات کے لیے باعث رحمت اور آپﷺ کی سیرت انسانیت کے لیے رشد وہدایت کا سر چشمہ ہے۔

بین الاقوامی رحمت اللعالمین کانفرنس کی تیاریاں مکمل،وزیراعظم اور کون کون خطاب کریگا؟

انہوں نے کہا کہ نبیﷺ کی سنت پر عمل کر کے ہم اپنی تما م مشکلات سے نجات حاصل کر سکتے ہیں۔ انہوں نے مزید کہا کہ آپﷺ نے اپنے او صاف کاملہ اور اعلیٰ کردار کے ذریعے لوگوں کے دلوں اور ذہنوں میں ایک انقلاب بر پا کر کے انسانیت کو جہالت کی اتھاہ تاریکیوں اور شرک کے اندھیروں سے نکال کر انسانیت کے اعلی درجوں پر فائز کیا۔

اسد قیصر نے کہا کہ نبیﷺ کا امتی ہونا ہمارے لیے اللہ تعالی کا احسان عظیم ہے جس کا جتنا بھی شکر ادا کیا جائے کم ہے۔ انہوں نے کہا کہ نبیﷺ کی حیات طیبہ مینارہ نور ہے اور زندگی کے ہر شعبے میں انسانیت کے لیے مشعل راہ ہے اور قیامت تک آنے والے انسانوں کی رہنمائی کرتی رہے گی۔

ڈپٹی اسپیکر قومی اسمبلی قاسم خان سوری نے اس موقع پر اپنے پیغام میں کہا کہ نبیﷺ انتہائی اعلیٰ اخلاق و اوصاف کے مالک تھے اور آپ ﷺ نے پاکیزہ سیرت اور ذاتی عمل کے ذریعے انتہائی قلیل عرصہ میں لوگوں کی زندگیوں میں تبدیلی لا کر دنیا میں ایک انقلاب برپا کیا اور ایک صحت مند معاشرے کی تشکیل کے لیے ایک مکمل ضابطہ اخلاق دیا۔

ڈپٹی سپیکر نے کہا کہ نبیﷺ کی سیرت طیبہ ایک مکمل ضابطہ حیات ہے جس کی پیروی ہر فرد کو کرنی چاہیے۔ انہوں نے کہا کہ نبیﷺ کی تعلیمات میں سب مسائل کا حل موجود ہے اور ان کے اسوہ حسنہ کی پیروی کر کے ہم رنگ ونسل کے امتیازات ختم کر کے اپنی زندگیوں کو خوشیوں سے بھر سکتے ہیں۔