جیو نیوز انٹرٹینمنٹ ایڈیٹر نادیہ فیصل قضائے الٰہی سے وفات پا گئیں

لاہور : جب کسی جان کی موت کا وقت آتا ہے تو وہ ٹلتا نہیں، ہر جان نے موت کا ذائقہ چکھنا ہے. اور پھر وہی ہوا کہ جیو نیوز کی انٹر ٹینمنٹ کی ایڈیٹر نادیہ فیصل کو اپنے رب کے پاس جانے کا پیغام آگیا اور نادیہ فیصل قضائے الٰہی سے وفات پاگئیں

friends, family and colleagues, after a long struggle with cancer today my wife and my love Nieni passed away to be with the creator, her funeral will be held at Zuhr time tomorrow, Wednesday the 28th of August, at Mubarak Masjid Seaview, she will live in all our hearts forever

— Faisal Rafi (@faisalrafi) August 27, 2019

نادیہ فیصل کینسر کے عارضے میں مبتلا تھیں اور طویل عرصے سے اس موذی بیماری سے جنگ لڑ رہیں تھیں۔نادیہ فیصل کلفٹن کے نجی اسپتال میں زیر علاج تھیں جہاں وہ آج انتقال کرگئیں، ان کی نماز جنازہ بدھ کو بعد نماز ظہر مبارک مسجد ڈیفنس فیز 5 میں ادا کی جائے گی۔

نادیہ فیصل طویل عرصے سے جیونیوز سے وابستہ تھیں اور فلمی حلقوں میں ’نینی‘ کے نام سے جانی جاتی تھیں، وہ بیماری کے باوجود اپنے فرائض منصبی ادا کرتی رہیں۔نینی نے اپنے صحافتی سفر کا آغاز سن 2000 میں انڈس ٹی وی سے بطور پروڈیوسر کیا، 18 اپریل 2007 کو جیوانگلش اور اس کے بعد اپریل 2015 میں جیونیوز اردو جوائن کیا۔

اپنے کیئریر کے دوران اپنے ساتھیوں سے بہت برتاو رکھنے کی وجہ سے بہت مشہور اور قدر کی نگاہ سے جانی جاتی تھیں، باغی ٹی وی نادیہ فیصل کی وفات پر خاندان اور ادارے کے غم میں شریک ہے اور مرحومہ کی مغفرت کے لیے دعا گو ہے، اللہ تعالیٰ مرحومہ کی مغفرت فرمائے اور ورثاکو صبر جمیل عطا فرمائے ، آمین