ناجائزتعلقات کا شبہ، خاتون کو برہنہ کرنے سڑکوں پر گھمایا گیا

شادی شدہ مرد کے ساتھ تعلقات کے شبے میں خاتون کے گلے میں جوتوں کا ہار پہنا کر برہنہ سڑکوں پر گھمایا گیا-

باغی ٹی وی : بھارتی میڈیا کے مطابق یہ واقعہ بھارتی ریاست جھارکنڈ کے ضلع دمکا میں رانیشوار پولیس سٹیشن کی حدود میں پیش آیا اس حوالے سے بھارتی پولیس کا کہنا ہے کہ واقعہ میں ملوث چھ ملزمان کو گرفتار کر لیا گیاہے-

پولیس افسر کا کہنا تھا کہ خاتون شادی شدہ ہے اور اس کا مبینہ طور پر شادی شدہ مرد کے ساتھ تعلق تھا ، دونوں کو مرد کی بیو ی کے اہل خانہ کی جانب سے بدھ کی رات کو مبینہ طور پر رنگے ہاتھوں پکڑا گیااور اسے تشدد کا نشانہ بنایا گیا ، اس کے بعد خاتون کو برہنہ کرتے ہوئے گلے میں جوتوں کا ہار پہنایا گیا اور پورے گاﺅں میں گھماتے رہے ۔

بھارتی پولیس کے مطابق ایف آئی آر میں 12 افراد کو نامزد کیا گیاہے جس کے بعد کارروائی عمل میں لاتے ہوئے چھ افراد کو گرفتار کر لیا گیاہے جن میں وہ مرد اور اس کی بیوی بھی شامل ہے ، خاتون نے یہ الزام بھی لگایا ہے کہ ملزمان نے اس سے 25 ہزار روپے بھی چھین لیئے ۔

ایف آئی آر بھارتی قانون کی دفع 148 ، 504 ، 506 ، 354 بی ، 379 لگائی گئی ہیں پولیس کا کہناتھا کہ دیگر چھ ملزمان کو بھی گرفتار کرنے کیلئے کارروائی عمل میں لائی جارہی ہے ۔