وزیر اعلی سندھ کے صوبائی مشیر برائے لائیو سٹاک اور فشریز سید نجمی عالم نے ہفتہ کو ہاکس بے کراچی کے سومار گوٹھ میں رجسٹرڈ ماہی گیروں میں 180 مچھی مار جال اور 145 آئس باکس تقسیم کردئے ۔
باغی ٹی وی کی رپورٹ کے مطابق اس موقع پر رکن سندھ اسمبلی لیاقت آسکانی، ٹائون چیئرمین ہمایوں خان، یوسی چیئرمین مبارک سنگھ اور مبارک ویلج کے سرفراز خان اور سومار ولیج کے محمد اسحاق کے علاوہ ڈائریکٹر جنرل فشریز ڈاکٹر علی محمد مستوئی اور ڈائریکٹر میرین فشریز ڈاکٹر عاصم کریم موجود تھے۔صوبائی مشیر سید نجمی عالم نے میڈیا سے بات کرتے ہوئے کہا کہ گزشتہ 20 سال کے بعد ہم نے پارٹی قیادت کے حکم پر ان مذکورہ گوٹھوں کے ماہی گیروں کی دیکھ بھال کی ہے۔ انشا اللہ ہم بلاول بھٹو کے مشن کو آگے بڑھاتے ہوئے سندھ کے ماہی گیروں کو ملنے والی ایسی سہولیات کے ثمرات ماہی گیروں کے خاندانوں تک پہنچائیں گے۔ سید نجمی عالم نے کہا کہ ہم جلد سندھ کے ماہی گیروں کو مزدور کا درجہ دیں گے اور انہیں لیبر سے متعلق تمام سہولیات فراہم کریں گے۔ اس موقع پر سومار گوٹھ کے علاوہ مبارک گوٹھ، منجہار گوٹھ اور سنہرا گوٹھ کے ماہی گیروں نے بھی شرکت کی۔
کراچی،پائپ لائن پھٹ گئی گلیوں میں تیل بہنے لگا
پی ٹی آئی کے وفد کا کراچی میں چین کے قونصل جنرل کا دورہ
ایف بی آر نے جعلی انوائسنگ میں ملوث عناصر کی گرفتاریاں شروع کردیں
