ننکانہ:مٹھائی کے پیسے نہ دینے پر نجی ہسپتال کی نرس نے مبینہ طور پر نو مولود کو ہیٹر کے آگے رکھ کر جلا دیا

ننکانہ صاحب باغی ٹی وی (نامہ نگار احسان اللہ ایاز)آمنہ ہسپتال میں مٹھائی کے پیسے نہ دینے پر نرس نے مبینہ طور پر نو مولود کو ہیٹر کے آگے رکھ کر جلا دیا

ننکانہ صاحب میں پرائیویٹ آمنہ ہسپتال کی سٹاف نرس نے مٹھائی کی رقم نہ ملنے پر مبینہ طور پر نومولود کو جلا دیا ،جلنے کی وجہ سے نومولود کے جسم کے مختلف حصے شدید متاثر ہوئے ،پرانا ننکانہ کا رہائشی اور صدر ننکانہ صاحب پریس کلب شیخ آصف کی بھابی کے ہاں بچی کی پیدائش نجی ہسپتال ، آمنہ ہسپتال میں ہوئی ڈیوٹی پر موجود سٹاف نرس بچی کو سانس کی تکلیف ہونے پر علاج کیلئے دوسرے کمرے میں لے گئی سٹاف نرس نے غصہ میں نومولود کو مبینہ طور پر ہیٹر کے آگے رکھ دیا

زیادہ ہیٹ نے نومولود کے چہرے آنکھ اور بازو کو شدید متاثر کیا شکایت کرنے پر لیڈی ڈاکٹر طیبہ مقصود نے لواحقین کو دھمکیاں دینا شروع کردیں اور لیڈی ڈاکٹر نے زچہ بچہ کو ہسپتال سے نکال دیا اور لیڈی ڈاکٹر نے کہا کہ ہسپتال کے مالک سی ای او ہیلتھ ہیں،اس کے خلاف کوئی کارروائی نہیں کر سکتا، جو کچھ ہوتا ہے کرلو میرا کوئی کچھ نہیں بگاڑ سکتا

متاثرین کا وزیراعلی پنجاب سے نوٹس لینے کا مطالبہ کیا ہے اور چچا کی درخواست پر پولیس نے ڈاکٹر اور سٹاف نرس کے خلاف کارروائی کا آغاز کر دیا ہے