معروف اداکار نسیم وکی نے عائشہ جہانزیب کے ساتھ اپنے حالیہ انٹرویو میںکہا ہے کہ میں اپنی بیوی سے بہت ڈرتا ہوں ان کے مزاج کے خلاف بات نہیں کرتا. انہوں نے کہاکہ کوئی شخص کتنا بھی بڑا نام کیوں نہ ہو، باہر لوگ اس کی کتنی بھی عزت کیوں نہ کرتے ہو. لیکن وہ گھر بیوی کے سامنے خاموشی ہی اختیار کئے رکھتا ہے. ان سے میزبان نے سوال کیا کہ کیا آپ گھر میں بھی مذاق کرتے اور جگتیں لگاتے رہتے ہیں تو انہوں نے کہا کہ ایسا تو بالکل بھی نہیں ہوتا، اب اگر کوئی ڈاکٹر ہے تو اسکا مطلب یہ تو نہیں ہے کہ وہ سڑک پر کھڑے ہو کر آپریشن کرنے لگ جاتا ہے،
یا کوئی اگر وکیل ہے تو وہ گھر میں تو بیوی کے ساتھ بحث نہیں کرتا ہو گا نا اسی طرح سے میں بھی گھر میں خاموشی ہی اختیار کئے رکھتا ہوں. انہوں نے ایک سوال کے جواب میں کہا کہ مجھے راحت فتح علیخان کی آواز بہت پسند ہے ، بہت ہی سریلے سنگر ہیں ان کا ہر گیت ویسے تو بہت پسند ہے لیکن میں تینوں سمجھاواں کی ، نہ تیرے باجوں لگدا جی ، بہت پسند ہے اس گانے کو اکثر گنگناتا ہوں. انہوں نے کہاکہ گائیکی کوئی آسان کام نہیں ہے اسی طرح سے اداکاری کرنا اور لوگوں کو ہنسانا بھی بہت آسان کام نہیں ہے.
