کراچی: بلاول بھٹو زرداری سے ناصر حسین شاہ کی ملاقات ،اطلاعات کےمطابق پاکستان پیپلزپارٹی کے چیئرمین بلاول بھٹو زرداری سے سندھ حکومت میں محکمہ بلدیات کے وزیر ناصر حسین شاہ نے ملاقات کی ہے
ذرائع کے مطابق اس موقع پر چیئرمین بلاول بھٹو زرداری کو ناصر شاہ نے محکمہ بلدیات کی کارکردگی سے آگاہ کیا
اس موقع پر بلاول بھٹو زرداری نے کہا کہ حل ہوتے ہوئے بلدیاتی مسائل کی آڑ لے کر منظم طریقے سے سندھ کا تاثر تباہ کرنے کی سازش کو بخوبی سمجھتا ہوں،
چیئرمین بلاول بھٹو زرداری نے کہا کہ پاکستان پیپلزپارٹی کا نصب العین عوام کی خدمت ہے، ہم اپنا کام کرتے رہیں گے، سندھ میں پاکستان پیپلزپارٹی کی کارکردگی دوسری تمام صوبائی حکومتوں سے بہتر ہے،
چیئرمین بلاول بھٹو زرداری نے کہاکہ روشنیوں کے شہر کی رونقیں جیالوں نے بحال کی ہیں، ہم کارکردگی سے اپنا لوہا منواتے رہیں گے، عوام کے مسائل کے حل کے تسلسل میں کوئی کسر نہ چھوڑی جائے،
