نیتن یاہو نے پارلیمنٹ سے تحفظ کیوں طلب کیا

نیتن یاہو نے پارلیمنٹ سے تحفظ طلب کر لیا
باغی ٹی وی :اسرائیل کے وزیرِ اعظم نیتن یاہو نے اپنے خلاف کرپشن کے الزامات کے بعد پارلیمنٹ سے تحفظ طلب کر لیا ہے۔اگر پارلیمنٹ اسرائیلی وزیرِ اعظم کو تحفظ دے دیتی ہے تو کرپشن کے الزامات میں ان پر مقدمات کئی ماہ تاخیر کا شکار ہو جائیں گے۔

اسرائیلی پارلیمان نے نیتن یاہو کو تحفظ فراہم کر دیا تو ان کا کرپشن کا مقدمہ مارچ میں ہونے والے نئے انتخابات تک تاخیر کا شکار ہو جائے گا۔اسرائیلی وزیرِ اعظم نیتن یاہو کو امید ہے کہ وہ مارچ کے انتخابات میں اکثریت حاصل کر کے پارلیمنٹ سے خود کو مکمل تحفظ دلوا سکیں گے۔ یوں اسرائیل کے اگلے عام انتخابات نیتن یاہو پر مقدمہ چلانے یا نہ چلانے کے حق میں ریفرنڈم کی صورت اختیار کر لیں گے۔