نیشنل گیمز کی تاریخ میں کے پی کیلئے پہلا جوڈو گولڈ میڈل حاصل کرلیا گیا

نیشنل گیمز کی تاریخ میں کے پی کیلئے پہلا جوڈو گولڈ میڈل حاصل کرلیا گیا

چونتیس ویں نیشنل گیمز میں جوڈو کے مقابلوں میں خیبرپختونخوا کے صابر شاہ آفریدی نے آرمی کے شاہان علی کیخلاف فائنل باؤٹ دس سیکنڈز میں جیت کر نیشنل گیمز کی تاریخ میں کے پی کیلئے پہلا جوڈو گولڈ میڈل حاصل کرلیا ہے جبکہ کوئٹہ میں جاری 34 ویں نیشنل گیمز میں مینز جوڈو میں پاکستان آرمی کی برتری رہی ہے تاہم کے پی کے صابر شاہ آفریدی نے اس برتری کو کلین سوئپ میں تبدیل ہونے سے روک دیا۔

صابر نے پہلی باؤٹ میں واپڈا، دوسری میں بلوچستان اور تیسری میں پولیس کے جوڈوکا کو شکست دی جس کے بعد فائنل میں ان کا مقابلہ آرمی کے شاہان سے تھا۔ جبکہ انہوں نے یہ باؤٹ دس سیکنڈز کے اندر جیت کر کے پی کیلئے گولڈ میڈل حاصل کیا۔ نیشنل گیمز کی تاریخ میں پہلی بار کے پی نے جوڈو میں گولڈ میڈل لیا۔ جوڈو کے دیگر مقابلوں میں آرمی نے مزید چار، واپڈا نے مزید تین گولڈ میڈلز حاصل کرلیے۔ مردوں کے -50 کلوگرام مقابلوں میں آرمی کے حمزہ عاشق نے گولڈ میڈل حاصل کیا۔

-73 کلوگرام کی کیٹیگری میں آرمی کے صداقت علی نے گولڈ، ایچ ای سی کے طاہر نے سلور میڈل جیتا، 81 کلوگرام کی کیٹیگری میں آرمی کے محمد آصف نے گولڈ میڈل حاصل کیا جبکہ اوپن کیٹیگری میں شاہ حسین شاہ نے پاکستان آرمی کیلئے گولڈ میڈل حاصل کیا۔ تاہم خواتین کی اوپن کیٹیگری میں واپڈا کی فوزیہ یاسر نے گولڈ میڈل جیتا۔ واپڈا کی مریم نے 57، حمیرہ نے 52 اور کوثر اقبال نے 40 کلوگرام کیٹیگری کے گولڈ میڈلز جیتے۔ جوڈو میں آرمی نے اب تک 9، واپڈا نے تین جبکہ ایچ ای سی اور کے پی نے ایک ایک گولڈ میڈل جیتا ہے۔