کئی قومی اور بین الاقوامی پروازوں کے رخ تبدیل،متعدد تاخیر کا شکار

کراچی : موسم کی خرابی اور تیز ہواؤں کے سبب پی آئی اے سمیت دیگر ایئرلائنز نے متعدد پروازوں کے رخ تبدیل کردیے۔

باغی ٹی وی : : ترجمان سول ایوی ایشن کے مطابق ملک بھر میں خراب موسم کے باعث بیشتر پروازیں متاثر ہوئی ہیں ملک بھر میں خراب موسم کے باعث دبئی سے اسلام آباد آنے والی پروازوں کا رخ ملتان کی جانب موڑا گیا۔

پیپلزپارٹی میں سیاسی شخصیات کی شمولیت کا سلسلہ جاری،مزید 14 شخصیات پارٹی میں شامل

ترجمان کے مطابق ٹورونٹو سے لاہور آنے والی فلائٹ قومی ائر لائن کی پرواز کو اسلام آباد اور ریاض سے پشاور آنے والی پرواز پی کا رخ اسلام آباد موڑا گیا تاہم واپس پشاور اتار لی گئی کراچی سے لاہور جانے والی نجی ایئر لائن کی پرواز کا رخ اسلام آباد کی جانب موڑا گیا۔

ابوظہبی سے اسلام آباد آنے والی پرواز پی کے 262 کا اور ابوظہبی سے اسلام آباد آنے والی نجی ایئر لائن کی پرواز 324 کا جبکہ جدہ سے لاہور آنے والی پی آئی اے کی پرواز 760 دبئی سے لاہور آنے والی نجی ایئر لائن کی پرواز 243 کو ملتان بھیجا گیا۔ شارجہ سے لاہور آنے والی پرواز کا رخ فیصل آباد جبکہ کراچی سے لاہور جانے والی نجی ایئر لائن کی پرواز کا رخ اسلام آباد کی جانب موڑا گیا۔

بگ باس 16 کی میزبانی کیلئے سلمان خان کو ایک ہزار کروڑ انڈین روپے معاوضہ …

ترجمان کے مطابق لاہور سے مدینہ جانے والی پرواز پی کے 747 تین گھنٹے 20 منٹ تاخیر کا شکار ہوئی جبکہ لاہور سے ابوظہبی جانے والی نجی ایئر لائن کی پرواز 244 تین گھنٹے 5 منٹ تاخیر کا شکار ہوئی کراچی سے لاہور جانے والی قومی ایئر لائن کی پرواز 406 پینتیس منٹ تاخیر کا شکار ہوئی –

لاہور سے جدہ جانے والی نجی ایئر لائن کی پرواز 821 آپریشنل وجوہات کی بنا پر منسوخ کر دی گئی اور لاہور سے کراچی جانے والی نجی ایئر لائن کی پرواز 9 پی 847 دو گھنٹے 25 منٹ تاخیر کا شکار ہوئی۔

خیبر پختونخوا شدید طوفان اور بارش سے تباہی،پاک فوج کی امدادی ٹیمیں پہنچ گئیں