نیشنل پارٹی کے مرکزی صدر عبدالمالک بلوچ اور مرکزی سیکریٹری جنرل جان محمد بلیدی سے سابق صوبائی وزیر منشی محمد بلوچ کی ملاقات

نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ اور مرکزی سیکریٹری جنرل جان محمد بلیدی نے سابق صوبائی وزیر سیاسی و قبائلی رہنما منشی محمد بلوچ سے ان کی رہائش گاہ پر ملاقات کی، ملاقات میں بلوچستان کی سیاسی صورتحال پر اور دلچسپی کے دیگر سیاسی و علاقائی صورتحال پر گفتگو کی گئی اور نیشنل پارٹی میں انکی اور خاندان کی شمولیت پر ان کا شکریہ ادا کیا یاد رہے کہ گزشتہ دنوں جب گرینڈ شمولیتی جلسہ میں منشی محمد بلوچ کے عزیز و اقارب نے ان کے بیٹے فیصل منشی محمد بلوچ کی قیادت میں نیشنل پارٹی میں شمولیت کی تو منشی محمد بلوچ خرابی صحت کے پیش نظر اس جلسے میں شریک نہیں ہوسکے تھے۔
انھوں نے نیشنل پارٹی کے قیادت کو یقین دہانی کرائی کہ وہ اپنے خاندان دوستوں اور عزیزوں کے ساتھ نیشنل پارٹی کے ہر سیاسی جدوجہد و عمل میں ساتھ ہونگے انھوں نے پارٹی قیادت پر اپنے مکمل اعتماد کا اظہار بھی کیا۔
نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے ان کا شکریہ ادا کیا کہ انھوں نے وقت و حالات کے نزاکت کو دیکھتے ہوئے نیشنل پارٹی میں شامل ہونے کا فیصلہ کیا نیشنل پارٹی کی مرکزی قیادت اور رہنما ان کو اور ان کے خاندان کو کبھی مایوس نہیں کریں گے نیشنل پارٹی بلوچستان کے عوام کے قومی سیاسی جماعت ہے اور بلوچستان کے عوام کی قومی و جمہوری حقوق کے دفاع اور جدوجہد میں نمایاں کردار جمہوری و سیاسی انداز میں ادا کرنے میں کوئی کسر فروگزاشت نہیں کرے گی۔