نیٹو سربراہ کورونا وائرس کا شکار ہوگئے

مغربی دفاعی اتحاد نیٹو کے سربراہ اسٹولٹن برگ کورونا وائرس کا شکار ہوگئے۔

باغی ٹی وی : غیر ملکی میڈیا کے مطابق اسٹولٹن برگ کے دفتر کی جانب سے جاری بیان میں کہا گیا ہےکہ نیٹو سربراہ مکمل ویکسینیشن کرواچکے ہیں، ان کا کورونا ٹیسٹ کا نتیجہ مثبت آیا ہے تاہم اسٹولٹن برگ میں کورونا کی معمولی علامات ہیں اور وہ ٹھیک ہیں۔

امریکی وزیر خارجہ کا کورونا ٹیسٹ مثبت آگیا

نیٹو ترجمان کا کہنا ہےکہ اسٹولٹن برگ بیلجیئم کی حکومت کی جانب سے جاری ہدایات پر عمل کریں گے اور گھر سے ہی تمام امور سرانجام دیں گے۔

غیر ملکی خبر ایجنسی کے مطابق رواں ہفتے کے آخر میں نیٹو وزرائے خارجہ کی جرمنی میں غیر رسمی ملاقات ہونا ہے جس میں اسٹولٹن برگ بذریعہ ویڈیو کانفرنس شریک ہوں گے۔

کوورنا قوانین کی خلاف ورزی: دبئی سول ایوی ایشن کا پی آئی اے پر بھاری جرمانہ عائد

واضح رہے کہ امریکی وزیر خارجہ انٹونی بلنکن کورونا وائرس کا شکار ہوگئے تھے امریکی محکمہ خارجہ کے ترجمان نیڈ پرائس نے بتایا تھا کہ وزیرخارجہ انٹونی بلنکن میں کورونا کی معمولی علامات ہیں انٹونی بلنکن نے مکمل ویکسین کے ساتھ بوسٹر شاٹس بھی لگوائے تھے-

نیڈ پرائس نے بتایا تھا کہ انٹونی بلنکن قرنطینہ میں ہیں اور گھر سے ہی کام سر انجام دیں گے-

بھارت میں کورونا سے47 لاکھ افراد ہلاک ہوئے، عالمی ادارہ صحت