وزیراعظم کے معاون خصوصی برائے امور نوجوانان عثمان ڈار نے پارٹی کے مرکزی سیکرٹریٹ کا دورہ کیا اور پاکستان تحریک انصاف کے چیف آرگنائزر سیف اللہ خان نیازی سے خصوصی ملاقات کی ہے،
آزادی مارچ میں زرتاج گل کریں گی شرکت، اور وہاں کیا کریں گی؟ خبر سن کر مولانا بھی پریشان
اسلام آباد ۔ 14 اکتوبر (اے پی پی) مرکزی میڈیا ڈیپارٹمنٹ کی طرف سے پیر کو یہاں جاری بیان کے مطابق وزیراعظم عمران خان کے وژن کی روشنی میں شروع کئے گئے تاریخی “کامیاب جوان پروگرام ” کے اجراء پر مفصل بریفنگ دی گئی، 17 اکتوبر کو اسلام آباد میں کامیاب جوان پروگرام کے ملک گیر آغاز کے لئے افتتاحی تقریب کی تیاریوں پر بھی تفصیلی بریفنگ دی گئی، عثمان ڈار نے کہا کہ وزیراعظم کی ہدایات اور وژن کی روشنی میں تاریخی پروگرام تیار کیا گیاہے، وزیرِاعظم اپنے دست مبارک سے تاریخی پروگرام کا افتتاح کریں گے، انہوں نے کہا کہ کامیاب جوان پروگرام کے ذریعے نوجوانوں کو ملکی تعمیر و ترقی میں شراکت دار بنائیں گے، وزیراعظم کے وژن کی روشنی میں ترتیب دیا گیا پروگرام نوجوانوں کی ترقی کے لئے اہم سنگ میل ثابت ہوگا،
سیف اللہ خان نیازی نے کہا کہ نوجوانوں کی ترقی کے لئے پروگرام ترتیب دینے پر عثمان ڈار اور ان کی ٹیم مبارکباد کے مستحق ہیں۔ انہوں نے کہا کہ نوجوان ہمارے قومی وجود کا اہم ترین حصہ ہیں۔ چیف آرگنائزر پاکستان تحریک انصاف نے مزید کہا کہ پاکستان میں سیاسی تبدیلی کے عمل میں نوجوانوں نے ہر اول دستے کا کردار ادا کیا ہے، قومی تعمیر کے ہر مرحلے پر نوجوانوں کو شامل کرنا اولین ترجیح ہے۔ انہوں نے کہا کہ روزگار کی فراہمی کے ذریعے نوجوانوں کو معاشی طور خودمختار بنانا اہم ہدف ہے، تحریک انصاف کامیاب جوان پروگرام کی کامیابی کے لئے دعاگو ہے،
حکومت کی اپیل مسترد،جے یو آئی ڈٹ گئی، کہا ایسا نہیں ہو سکتا
آزادی مارچ، مولانا فضل الرحمان نے تاریخ کا اعلان کر دیا،کہا روکا تو پاکستان جام کر دیں گے
