نواز انجم فنکاروں کو اپنے گھر کیوں نہی بلاتے ؟

معروف اداکار نواز انجم نے کہا ہے کہ میں اپنے گھر میں فنکاروں کو نہیں بلاتا ، سوائے سہیل احمد ، افتخار ٹھاکر ، سید محسن گیلانی ، اور عرفان کھوسٹ کے. ان سب کی فیملیاں میرے گھر میں آتی جاتی ہیں. ان کے علاوہ کسی کو گھر تک نہیں لاتا بس ان کو تھیٹر تک ہی رکھتا ہوں ، ان کو گھر تک نہ لانے کی وجہ نہ بتاتے ہوئے کہا کہ گھر آکر بیوی کے سامنے مذاق عجیب و غریب کرتے ہیں کہتے ہیں کہ اچھا یہ بھابھی ہے تو وہ کون تھی جس سے ملوایا تھا وہ تو مذاق کرکے چلے جاتے ہیں لیکن میرے گھر میں تو جھگڑا پڑ گیا نا. انہوں نے کہا کہ ڈرامے کے زوال کی

وجہ یہ ہے کہ اب سکرپٹ نہیں ہے . سکرپٹ زمین ہوتی ہے اور ہم بغیر زمین کے گھر بنا رہے ہیں، ہوا میں تو گھر نہیں بنتے نا. انہوں نے کہاکہ پہلے منجھے ہوئے رائٹر سیٹج ڈرامہ لکھتے تھے لیکن اب جس نے ڈس ڈرامے سٹیج کے کئے ہیں وہ کہتا ہے کہ میں ڈرامہ لکھ دیتا ہوں. میں نے 18 سال میں سہیل احمد کے ساتھ 6 ڈرامے کئے ہر ڈرامہ تین سال چلا ، آج تو 7 دن کے بعد ڈرامہ چینج ہوجاتا ہے تو کیا لوگوں کو کوئی بات یاد رہنی ، جب ڈرامے میں کچھ ہوتا ہی نہیں تو ڈرامہ چاہے 7 دن کے بعد چینج ہو یا 3 دن کے بعد لوگوں کو فرق نہیں‌پڑتا. سٹیج ڈرامہ لکھنا مذاق نہیں ہے اگر میں سٹیج ڈرامہ دوبارہ زندہ کرنا چاہتے ہیں کہ تو ہمیں سکرپٹ پر توجہ دینی ہو گی .