نواز شریف ہسپتال نہیں بلکہ کہاں جائیں گے؟ خبر نے کھلبلی مچا دی

نواز شریف ہسپتال نہیں بلکہ کہاں جائیں گے؟ خبر نے کھلبلی مچا دی

باغی ٹی وی کی رپورٹ کے مطابق سابق وزیراعظم نواز شریف کو 16روز بعدسروسزاسپتال لاہور سے ڈسچارج کر دیا گیا، نواز شریف ہسپتال سے شریف میڈیکل سٹی کی ایمبولینس میں روانہ ہو چکے ہیں، ذرائع کے مطابق نواز شریف اب شریف میڈیکل سٹی جانے کی بجائے پہلے جاتی امرا اپنی رہائشگاہ جائیں گے.

مریم نواز،شہبازشریف اوربیگم شمیم اخترنوازشریف کے ہمراہ ہیں،نوازشریف کے ذاتی معالج ڈاکٹر عدنان بھی ایمبولنس میں موجود ہیں، نوازشریف کو دیکھتے ہی لیگی کارکنان نے پھولوں کی پتیاں نچھاور کیں اور ان کے حق میں نعرے بازی کرتے رہے۔

نواز شریف کے پلیٹ لیٹس ایک بار پھر کم، وجہ کیا؟ اہم خبر

دس دن میں نواز شریف کو وزن کتنے کلو کم ہوا؟ ڈاکٹر بھی حیران

نوازشریف کی صاحبزادی مریم نواز کی احتساب عدالت سے رہائی کی روبکار جاری ہونے کے بعد ضمانت پر رہا کر دیا گیا، انہیں چودھری شوگر ملز کیس میں ضمانتی مچلکوں کے عوض ضمانت ملی تھی۔

نوازشریف کی رہائش گاہ پر انتہائی نگہداشت یونٹ قائم کر دیا گیا ہے، مسلم لیگ ن کی ترجمان مریم اورنگزیب نے اس امر کی تصدیق کی ہے کہ نوازشریف کی رہائش گاہ جاتی امراپر انتہائی نگہداشت یونٹ قائم کر دیا گیا ہے،

واضح رہے کہ لاہور ہائیکورٹ نے نواز شریف کی چوھدری شوگر ملز کیس میں ضمانت منظور کر رکھی ہے، العزیزیہ ریفرنس کیس کی سزا بھی آٹھ ہفتوں کے لئے اسلام آباد ہائیکورٹ نے معطل کر دی ہے, نواز شریف کو نیب میں جسمانی ریمانڈ کے دوران ہسپتال منتقل کیا گیا تھا،