دس دن میں نواز شریف کو وزن کتنے کلو کم ہوا؟ ڈاکٹر بھی حیران

باغی ٹی وی کی رپورٹ کے مطابق ہسپتال انتظامیہ کا کہنا ہے کہ سابق وزیراعظم نوازشریف کواسٹیرائیڈز اورشوگر کیلیے انسولین دے رہے ہیں،دس روز میں نوازشریف کا وزن 108کلو سے کم ہوکر 98 کلو تک پہنچ گیا.

ڈاکٹرمحمود ایاز کا کہنا ہے کہ نوازشریف کی دوائیں بڑھانے سے گردوں پراثر پڑتا ہے،کسی بھی ہنگامی صورتحال کیلیے پی آئی سی میں آپریشن تھیٹر تیار ہے، نواز شریف کیلیے چوبیس گھنٹے آپریشن تھیٹر اور عملہ الرٹ ہے ،گزشتہ روز نواز شریف کا کارڈیالوجسٹ ڈاکٹر ثاقب شفیع اورڈاکٹر زاہد نے معائنہ کیا ،نوازشریف کے پلیٹ لیٹس سے متعلق کراچی کے ڈاکٹر طاہر شمسی سے بھی رابطہ ہے،

نوازشریف کی سزا معطلی کےعدالتی فیصلے کو تسلیم کرتے ہیں، فردوس عاشق اعوان

میڈیکل بورڈ کے ذرائع کے مطابق پلیٹ لیٹس مزید بڑھانے کیلیے دوائیں دینے سے نواز شریف کی زندگی کو خطرہ ہوگا، نواز شریف نے گزشتہ روز دانتوں کی فلنگ بھی کرائی تھی

نواز شریف کے دل کی خون کی نالی کتنے فیصد بلاک ہو چکی؟ خبر نے سب کو پریشان کر دیا

واضح رہے کہ لاہور ہائیکورٹ نے نواز شریف کی چوھدری شوگر ملز کیس میں ضمانت منظور کر رکھی ہے، العزیزیہ ریفرنس کیس کی سزا بھی آٹھ ہفتوں کے لئے اسلام آباد ہائیکورٹ نے معطل کر دی ہے,نواز شریف سروسز ہسپتال میں زیر علاج ہیں