نواز شریف کی صحت کے حوالہ سے شہباز شریف نے کیا اپیل کر دی؟
نواز شریف کی صحت کے حوالہ سے شہباز شریف نے کیا اپیل کر دی؟
باغی ٹی وی کی رپورٹ کے مطابق مسلم لیگ (ن) پنجاب کی تنظیم کا ماڈل ٹاون میں اہم اجلاس ہوا، اجلاس میں پنجاب کے جنرل سیکرٹری سردار اویس لغاری،عظمیٰ بخاری،ندیم کامران،منشاءاللہ بٹ ، سائرہ افضل تارڑ،وارث کلو،ذیشان رفیق،سمیع اللہ خان،تنویر اسلم اعوان ،میاں مرغوب احمد و دیگر شریک ہوئے،اجلاس میں راولپنڈی ،سرگودھا اور گوجرانوالہ ڈویژن کے نمائندوں نے شرکت کی.
اجلاس کے آغاز میں مسلم لیگ (ن) کے قائد میاں نوازشریف کی جلد صحتیابی کےلئے خصوصی دعا کی گئی،اجلاس میں پنجاب میں پارٹی کی تنظیم سازی اور پارٹی کو مزید فعال کرنے کے حوالے سے جائزہ لیا گیا، اجلاس میں فیصلہ کیا گیا کہ پنجاب کے تمام ڈویژن کی میٹنگ روزانہ کی بنیاد پر ہونگی ،خالی عہدوں کو پر کرنے کےلئے پارٹی سے مخلص اور وفادار کارکنوں کو ترجیحی دی جائے گی ،خالی عہدوں کو جلد از جلد پر کرنے کےلئے تمام سفارشات اکٹھی کی جائیں گی
پنجاب میں پارٹی کی تنظیم سازی رواں سال میں ہی مکمل کرنے پر زور دیا گیا.
دوسری جانب پاکستان مسلم لیگ (ن) کے صدر اور قائد حزب اختلاف شہباز شریف نے قوم اور کارکنوں کے نام اپیل میں کہا ہے کہ جمعتہ المبارک کی نماز کے بعد قائد محمد نواز شریف کی صحت کے لئے خاص طور پر دعا فرمائیں،محمد نواز شریف کی جان آپ کی دعاؤں سے بچی ہے اور آپ کی دعاؤں سے ہی اللہ تعالی ان کو صحت کامل عطا فرمائے گا
نواز شریف ضمانت پر ہیں، حکومت کس چیز کی ضمانت مانگ رہی ہے؟ ن لیگ
نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا
نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا
سیاسی تاوان کی شرط ہرگز منظور نہیں، شہباز شریف کا اعلان
واضح رہے کہ نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی، نواز شریف سروسز سے گھر منتقل ہو چکے ہیں جہاں ان کا علاج جاری ہے،
Leave a reply
