نواز شریف سے ملاقاتوں پر پابندی فسطائی سوچ ہے.شہباز شریف

مسلم لیگ ن کے صدرشہباز شریف نے کہا ہے کہ اہلخانہ ، کارکنوں اور پارٹی رہنماؤں کی نواز شریف سے ملاقاتوں پر پابندی فسطائی سوچ ہے.

باغی ٹی وی کی رپورٹ کے مطابق شہباز شریف کا کہنا ہے کہ 3 بارمنتخب اورعوام کوریلیف دینے والے وزیراعظم سے عوام سے ریلیف چھیننے والا سلیکٹڈ وزیراعظم خوفزدہ ہے.عمران نیازی جومرضی ہتھکنڈےاستعمال کرلے آئی ایم ایف عوام دشمن بجٹ پاس نہیں ہوسکتا،عمران نیازی کےسرپربجٹ منظورنہ ہونےکاخوف سوارہے، انہوں نے کہا کہ نوازشریف سےذاتی معالج کونہ ملنے دینا انتہائی افسوسناک اورقابل مذمت ہے ،انہوں نے کہا کہ پنجاب حکومت کٹھ پتلی ہے،عمران نیازی کےاشاروں پرسب کیا جارہا ہے،

واضح رپے کہ جمعرات کو سابق وزیرا عظم نواز شریف کوٹ لکھپت جیل میں قید ہیں ، جمعرات کو ملاقات کا دن طے ہے لیکن آج جیل حکام نے نواز شریف سے اہلخانہ کے علاوہ کسی کو ملاقات کی اجازت نہیں دی.