نواز شریف کو بطور وزیر اعظم ملنے والی سرکاری گاڑی برآمد، کون استعمال کر رہا تھا؟ اہم خبر آ گئی

سابق وزیر اعظم نواز شریف کو دی گئی سرکاری گاڑی ان کی صآحبزادی مریم نواز سے برآمد کر لی گئی ہے.

باغی ٹی وی کی رپورٹ کے مطابق میڈیا رپورٹس میں کہا گیا ہے کہ کیبینٹ ڈویژن نے کاروائی کرتے ہوئے یہ سرکاری گاڑی برآمد کی ہے. بتایا گیا ہے کہ سابق وزیر اعظم نواز شریف کو ان کی وزارت عظمیٰ کے دور میں بطور وزیراعظم جو سرکاری گاڑی ملی تھی وہ مریم نواز استعمال کر رہی تھیں، جو کہ جاتی امرا رائے ونڈ سے برآمد کر لی گئ ہے.

رپورٹ میں کہا گیا ہے کہ سابق وزیر اعظم نواز شریف کو عدالت سے سزا ملنے کے بعد کابینہ ڈویژن نے 28 جون کو گاڑی کی واپسی کیلئے مریم نواز کو خط لکھا تھا تاہم گاڑی واپس نہ ملنے پر آج جمعرات کو یہ گاڑی برآمد کی گئی ہے۔

واضح رہے کہ سرکاری عہدہ پاس نہ ہونے کے بعد اسے کسی اور کیلئے استعمال کرنا قانونی طور پر درست نہیں‌ ہے.