پاکستان مسلم لیگ ن کے قائد اور سابق وزیراعظم نواز شریف نے ن لیگ کے سینیئر رہنما شاہد خاقان عباسی کے تحفظات دور کرنے کیلئے انہیں لندن بلوالیا۔

باغی ٹی وی: تفصیلات کے مطابق نواز شریف کی جانب سے سابق وزیراعظم شاہد خاقان عباسی کو ٹیلی فون کر کے تحفظات دور کرنے کیلئے لندن میں ملاقات کی دعوت دی گئی نواز شریف کی طرف سے پارٹی کے جنرل کونسل اجلاس میں شرکت نہ کرنے کی وجہ سے نواز شریف نے رابطہ کیا۔

واضح رہے کہ مسلم لیگ ن کے جنرل کونسل اجلاس میں لیگی رہنما شاہد خاقان عباسی اور مفتاح اسماعیل شریک نہیں ہوئے تھے۔ دونوں لیگی رہنما دعوت کے باوجود اجلاس میں شامل نہیں ہوئے تھے۔

شاہد خاقان عباسی اور مفتاح اسماعیل کے پارٹی کے ساتھ اندرونی اختلافات ،لیگی قیادت کی جانب سے مفتاح اسماعیل کو عہدے سے ہٹانے کا فیصلہ کیا گیا ہے،مسلم لیگ ن سندھ کے صدر شاہ محمد شاہ کی بھی تبدیلی کا امکان ہے،مرکزی قیادت کی جانب سے سندھ چیپٹر میں بڑی تبدیلیوں کا فیصلہ کیا گیا ہے، میڈیا رپورٹس کے مطابق مفتاح اسماعیل کو دوبارہ جماعت میں کوئی بھی اہم عہدہ نہیں ملے گا،

وزیر اعظم شہباز شریف 22 جون کو پیرس پہنچیں گے

دوسری طرف گزشتہ روز شاہد خاقان عباسی کی طرف سے اقتصادی رابطہ کمیٹی کی رکنیت سے استعفیٰ دے دیا گیا تھا۔ استعفیٰ آذربائیجان سے بین الحکومتی بنیادوں پر لیکویفائیڈ نیچرل گیس (ایل این جی) کی خریداری کے معاملے پر اختلاف کے باعث دیا گیا۔

دی نیوز سے بات کرتے ہوئے شاہد خاقان نے کہا کہ مسلم لیگ (ن)کا رکن قومی اسمبلی ہونے کے ناطے وہ جنرل کونسل کے بھی ممبر ہیں ‘اجلاس میں شرکت کیلئے انہیں کسی دعوت نامے کی ضرورت نہیں تھی اگر میں ملک میں ہوتا تو جنرل کونسل اجلاس میں ضرورت شرکت کرتا مجھے اس بات کا علم نہیں کہ مفتاح اسماعیل مجھے ملنے کراچی سے اسلام آباد آئے تھے انہوں نے کہا کہ بجٹ کی منظوری میں کوئی رکاوٹ نہیں آئے گی بجٹ منظوری کیلئے پارٹی نے انہیں بلایا تووہ فوراًوطن واپس آئیں گے تاہم انہیں ایسے کوئی صورتحال نظرنہیں آتی کہ بجٹ کی منظوری کیلئے کسی ایک رکن کی موجودگی ضروری ہو۔

پنجاب کی نگران حکومت آج بجٹ پیش کرے گی

یونان میں عوام کا تارکینِ وطن کے خلاف پالیسیوں پر احتجاج

وزیراعظم شہبازشریف کا بیرون ملک کا دورہ متوقع ہے وزیراعظم شہباز شریف کل دورہ فرانس اور انگلینڈ کےلیے روانہ ہوں گے، وزیراعظم شہبازشریف لندن میں نوازشریف سے بھی ملاقات کریں گے،وزیراعظم شہبازشریف نوازشریف سے ملاقات کے دوران آئندہ عام انتخابات کی تاریخ ،نگراں وزیراعظم سمیت دیگر اہم امور پر غورو خوض ہوگا،شہبازشریف ن لیگ کے تاحیات سربراہ سے ملاقات میں سیٹ ایڈجسٹمنٹ سمیت آئندہ انتخابات میں کس جماعت سے اتحاد کرنا ہے پر بھی گفتگو کریں گے،