پاکستان شوبز انڈسٹری کے معروف اداکار و گلوکار علی ظفرکا نئے آنے والے فنکاروں کو مشورہ دیتے ہوئے کہا ہے کہ وہ سیل فون سے دور رہ کراپنے اچھے وقتوں کو انجوائے کریں-
باغی ٹی وی : سماجی رابطے کی ویب سائٹ انسٹاگرام پر علی ظفر نے گانے کی ریہرسل کے دوران لی گئی اپنی 13 سال پرانی ایک تصویر شیئر کی جس میں ان کے ساتھ اداکارہ ریما خان بھی ہیں انہوں نے تصویر شئیر کرتے ہوئے کیپشن میں لکھا کہ انہیں اسٹائل ایوارڈز شو 2007ء کی ریہرسل کی ایک تصویر ملی۔
https://www.instagram.com/p/CCVe__UFydD/
علی ظفر نے بتایا کہ انہوں نے اپنے گانے ’مستی‘ پر اداکارہ ریما کے ساتھ پرفارم کیا تھا جس کی ریہرسل کی گئی تھی۔
انہوں نے لکھا کہ یہ پورا ایونٹ ملائیشیا میں ہوا تھا، اس میں مزہ آیا وہ بہت سادہ اور آسان وقت تھا نہ ہی فخر کرنے کے لئے سوشل میڈیا کی پوسٹ تھی اور نہ ہی اسے بوسٹ کرنا تھا۔
انہوں نے لکھا کہ ایسا لگتا ہے کہ میوزک انڈسٹری کے ترقی کی منازل طے کرتے ہوئے پوری برادری کو ایک پرسکون اور خوشگوار ماحول ملا تھا-
علی ظفر نے اپنے پیغام میں نئے فنکاروں کے لیے لکھا کہ میری خواہش ہے کہ آج نیا ٹیلنٹ سیل فون سے دور رہ کر ایسے وقتوں کا تجربہ اور لطف اٹھائے-
