شوبز

نئی دہلی مسلم فسادات پر بالی وڈ شخصیات کی شدید مذمت

6 سال قبل
6 سال قبل

نئی دہلی میں مسلم فسادات کے نتیجے میں اب تک کئی افراد جاں بحق اور متعدد زخمی ہوگئے ہیں بالی وڈ کی شوبز او رمیڈیا انڈسٹری کی شخصیات نے نئی دہلی میں ہونے والے فسادات کی آڑ میں مسلمانوں کے قتل عام پر اظہار افسوس کرتے ہوئے حکومت سے جلد سے جلد امن بحال کرنے کا مطالبہ کیا

باغی ٹی وی: بھارتی حکومت کی جانب سے نافذ کیے جانے والے بھارتی متنازع شہریت قانون کی وجہ سے پورا بھارت فسادات کی لپیٹ میں آ گیا ہے اور تقریباً ہر شہرمیں اس قانون کے خلاف مظاہرے اور احتجاج جارہی ہیں تاہم تین روز قبل دہلی کی صورتحال اس وقت شدید شدت اختیار کر گئی جب مسلم مخالف شہریت کے قانون کے خلاف پرامن دھرنے پر بیٹھے مظاہرین پر مسلح ہندو انتہا پسندوں نے حملہ کردی

دہلی کے حالات اس حد تک خراب ہوچکے ہیں وہاں کے وزیراعلی اروند کیجریوال نے صورتحال کنٹرول کے لیے شہر میں کرفیو نافذ کردیا ہے جس میں دفع 144 کے تحت ایک ماہ تک مسلمان اپنے گھروں سے باہر نہیں نکلیں گے ساتھ ہی انہوں فوج طلب کرنے کی درخواست کردی ہے

نئی دہلی فسادات پر بھارتی فنکاروں کا شدید ردعمل


بھارتی حکومت کی جانب سے نافذ کیے جانے والے متنازع شہریت کے قانون کے خلاف ابتدا ہی سے بھارت کے اندر سے آوازیں اٹھ رہی ہیں جن میں بھارت کی شوبز و میڈیا انڈسٹری کی شخصیات کی جانب سے بھی نئی دہلی میں ہونے والے فسادات کی آڑ میں مسلمانوں کے قتل عام پر اظہار افسوس کرتے ہوئے حکومت سے جلد سے جلد امن بحال کرنے کا مطالبہ کیا


فلم ساز مہیش بھٹ سماجی رابطے کی ویب سائٹ ٹویٹر پر ٹویٹ کیا کہ انہیں لگتا ہے کہ ہم اندھے نہیں ہونے جا رہے بلکہ ہم اندھے ہیں اندھے ہیں لیکن سب کچھ دیکھ سکتے ہیں ہم ایسے اندھے لوگ ہیں جو دیکھ تو سکتے ہیں مگر انہیں کچھ دکھائی نہیں دیتا


معروف اداکارہ روینہ ٹنڈن نے بھی دہلی فسادات پر ٹوئٹ میں تشدد کو کچھ شرپسند عناصر کی مرضی قرار دیتے ہوئےلکھا کہ اگر ہم میں تھوڑی سی بھی ہمدردی ہے تو ہم فسادات میں مرنے والے افراد کے لیے تعزیت کا اظہار کر سکتے ہیں کیوں کہ وہ لوگ کافی عرصے سے انتہائی دباؤ میں ہیں


جاوید اختر نے بھی نئی دہلی میں فسادات پر لکھا کہ منصوبہ بندی کے تحت دہلی میں فسادات کو آگے بڑھایا جا رہا ہے اور سب لوگ تنگ نظر سیاستدان کپل مشرا جیسے بن رہے ہیں یہ فضا تیار کرنے کی کوشش کی جا رہی ہے کہ دہلی میں سی اےاے قانون کے خلاف ہونے والے مظاہروں کی وجہ سے ہوا اور پولیس جلد اس پر قابو پا لے گی
https://twitter.com/RichaChadha/status/1232515617099567104?s=19
اداکارہ ریچا چڈا نے نئی دہلی میں فسادات پر لکھا کہ ایک سچے ہندو ہونے کے ناطے انہیں دوسرے جنم پر یقین ہے اور انہیں یہ بھی یقین ہے کہ جلد ہی مظالم ڈھانے والوں پر عذاب اور بیماریوں کی صورت میں قہر نازل ہوگا اور ان کے ہاتھوں میں اپنا ہی خون ہے


فلم ساز ہنسل مہتا نے ٹوئٹ کی کہ کوئی بھی احتجاج کرنے والا شخص فساد نہیں چاہتا اور کوئی بھی فسادی احتجاج نہیں کرتا

دوسری جانب متنازع شہریت کے قانون اور مسلم مخالف فسادات پر بالی ووڈ کے نامور اداکاروں کی جانب سے مکمل خاموشی طاری ان کی بے حسی کا منہ بولتا ثبوت ہے ان میں شاہ رخ خان، عامر خان، سلمان خان سیف علی خان جیسے بڑے اداکار شامل ہیں ان کی خاموشی پر خود ان کےمداح بھی حیران ہیں اور ان کو تنقید کا نشانہ بنا چکے ہیں

ٹیگز:
Shares:

مزید خبریں