پاکستان کب تک کورونا ویکسین تیار کر لے گا این سی او سی نے آگاہ کردیا

باغی ٹی وی :پاکستان کب تک کرونا ویکسین تیار کر لے گا این سی او سی نے آگاہ کردیا

این سی او سی نے کرونا ویکسین کے بارے میں اپڈیٹ کرتے ہوئے بتایا ہے کہ حکومت کوویڈ ۔19 ویکسین کے معروف مینوفیکچررز (جن میں چین کے لوگ بھی شامل ہیں) کے ساتھ قریبی رابطے میں ہیں۔ان کوششوں کی بنا پر پاکستان ویکسین کی جلد فراہمی کا اہل ہو جائے گا.
ین سی او سی کے مطابق حکومت فیزتھری کےٹرائلز سمیت باقاعدگی سے پیش رفت کاجائزہ لے رہی ہے، اقدامات ویکسین کی پاکستان میں جلد دستیابی کےحتمی فیصلے میں مدد دینگے.
گذشتہ روز ذرائع وزارت صحت کی جانب سے جاری بیان میں کہا گیا تھا کہ کرونا وائرس ویکسین مہم کے لیے خصوصی سسٹم تیار کیا جا رہا ہے، کرونا ویکسین مہم کے لیے نیشنل امیونائزیشن مینجمنٹ سسٹم تیار کیا جا رہا ہے۔

ذرائع کا کہنا تھا کہ سسٹم کی تیاری کے لیے نادرا تکنیکی معاونت فراہم کر رہا ہے، نیشنل امیونائزیشن مینجمنٹ سسٹم دو طرفہ کمیونیکشن کا نظام ہے۔ سسٹم وزارت داخلہ اور آئی ٹی کے تعاون سے چلایا جائے گا،جدید سسٹم کا مرکزی ڈیٹا بیس نادرا میں قائم ہوگا۔

ذرائع وزارت صحت کے مطابق نادرا ڈیٹا بیس میں مختلف عمروں کے شہریوں کے گروپوں کا اندراج ہوگا، نادرا سسٹم کے تحت مختلف عمروں کے افراد کی ویکسی نیشن کا شیڈول تیار کرے گا، نادرا سسٹم کے ذریعے شہری کو کوائف پر مبنی ایس ایم ایس بھجوائے گا، شہری بذریعہ ایس ایم ایس نادرا کو کوائف کا تصدیقی پیغام بھجوائے گا۔

بعد ازاں کوائف کی تصدیق پر نادرا شہری کو متعلقہ ہیلتھ سینٹر کی معلومات دے گا، ویکسی نیشن پر شہری کے کوائف نادرا ریکارڈ کا حصہ بن جائیں گے۔ ویکسی نیشن مہم کے دوران صحت تحفظ ہیلپ لائن 1166 کا استعمال ہوگا۔ صحت تحفظ ہیلپ لائن سے ویکسی نیشن مہم کی آگاہی دی جائے گی