ڈیرہ غازی خان: نگہبان رمضان پیکج کے سامان کی پیکنگ و تقسیم کا عمل جاری

ڈیرہ غازیخان باغی ٹی وی نیوز (نیوز رپورٹر شاہد خان )وزیر اعلی پنجاب مریم نواز شریف کی ہدایات پرڈیرہ غازی خان میں نگہبان رمضان پیکج کے سامان کی پیکنگ و تقسیم کا عمل جاری ہے،

اس حوالے سے ڈپٹی کمشنر مہر شاہد زمان لک نے سخی سرور روڈ پر واقع مقامی فلور ملز کا دورہ کرتے ہوئے اشیائے خوردونوش کا معیار چیک کیا۔

اس موقع پر ایڈیشنل ڈپٹی کمشنر غلام مصطفیٰ سہیڑ،ڈی ایف سی چوہدری افتخار،ڈسٹرکٹ ناظر نذر حسین کورائی سمیت فلور ملز مالکان اور تاجر نمائندے بھی موجود تھے۔ڈپٹی کمشنر نے رمضان پیکیج میں شامل اشیائے خوردونوش کی کوالٹی چیک کی اور موقع پر وزن کا معائنہ بھی کیا۔

انہوں نے ہدایات دیتے ہوئے کہاکہ اشیائے خوردو نوش کی کوالٹی اور وزن پر کوئی کمپرومائز نہیں کیا جائے گا،محکمہ فوڈ اتھارٹی کا سٹاف موقع پر کوالٹی کو یقینی بنائیں، غیر معیاری اشیاء کو رمضان پیکیج کا حصہ نہ بنایا جائے۔

ہم اعلی معیار کا خشک راشن حقداروں کی دہلیز پہنچائیں گے۔